መጋቢት 22, 2024
ሩሲያ

የ85 ዓመቱ ወንድም ዩሪ ዩስኮቭ ጥፋተኛ ተባለ

አጫውት

መጋቢት 15, 2024 በቹቫሽ ሪፑብሊክ የሚገኘው የኖቮቼቦክሳርስክ ከተማ ፍርድ ቤት፣ በወንድም ዩሪ ዩስኮቭ ላይ የጥፋተኝነት ብይን አስተላልፏል። ፍርድ ቤቱ የአምስት ዓመት የገደብ እስራት በይኖበታል። በአሁኑ ወቅት ወህኒ አይወርድም።

አጭር መግለጫ

ዩሪ ዩስኮቭ

ትውልድ፦ 1938 (ሴሊቫኖቭስካያ፣ ሮስቶቭ ክልል)

ግለ ታሪክ፦ በያጅ ነበር

የዩሪ ባለቤት ልዩድሚላ በ2019 ሕይወቷ አልፏል

ከዩሪ ቤተሰብ ውስጥ መጀመሪያ የይሖዋ ምሥክር የሆነው ወንድ ልጁ ነው። ዩሪ መጽሐፍ ቅዱስ ለማጥናት ተስማማ። በተለይ የማረከው፣ መጽሐፍ ቅዱስ ውስጥ የሚገኘው የትንሣኤ ተስፋ ነው። በ2005 ተጠመቀ

የሰጠው ሐሳብ a

በስደት ወቅት ይሖዋ የደረሰልህ እንዴት ነው?

ይሖዋ አገልጋዮቹን እንደሚወድና እንደሚደግፍ አውቃለሁ፤ ለእኔ ደግሞ ያደረገልኝ ልዩ ነው። የአእምሮ ሰላም ለማግኘት ያቀረብኩትን ጸሎት መልሶልኛል፤ የተሰነዘረብኝን ክስና መላ የፍርድ ሂደቱን በደንብ መገንዘብ እንድችል ረድቶኛል። ዳኛው እንኳን ሳይቀር ደግነት አሳይተውኛል። መልስ መስጠት ባስፈለገኝ ቁጥር ከወንበሬ መነሳት እንደሚከብደኝ አስተውለው ነበር፤ ስለዚህ ቁጭ ብዬ እንድመልስ ፈቀዱልኝ። ፍርድ ቤት በምቀርብበት ወቅት ከሌሎች ከተሞች ብዙ ወንድሞችና እህቶች ይመጡ ነበር። ሌሎች ደግሞ ስልክ በመደወል ወይም ደብዳቤ በመጻፍ “ወንድም ዩሪ፣ በርታ! ይሖዋ ከአንተ ጋር ነው። እኛም እንጸልይልሃለን” ይሉኝ ነበር። ወደ ይሖዋ ይበልጥ እንደቀረብኩ ይሰማኛል፤ ላሳየኝ ምሕረትም አመሰግነዋለሁ።

እንደ ዩሪ ያሉ በዕድሜ የገፉ ወንድሞቻችን እና እህቶቻችን ለሚያሳዩት ግሩም የታማኝነትና የጽናት ምሳሌ አመስጋኝ ነን። ይሖዋ ፈጽሞ እንደማይጥላቸው እንዲሁም ለእነሱ ሲል ኃያልነቱን እንደሚያሳይ እናውቃለን።—መዝሙር 71:18, 19

የክሱ ሂደት

ግንቦት 4, 2023

የወንጀል ክስ ተመሠረተበት
ግንቦት 5, 2023

ቤቱ ተፈተሸ። የጉዞ ገደቦች ተጣሉበት
ጥር 23, 2024

ክሱ በፍርድ ቤት መታየት ጀመረ
መጋቢት 15, 2024

ጥፋተኛ ተብሎ የአምስት ዓመት የገደብ እስራት ተፈረደበት

a ወንድም ዩሪ አስተያየት የሰጠው የፍርድ ቤት ውሳኔ ከመስማቱ በፊት ነው።

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች