Amuldunguaiñ ti cümeque dungu
Pu Dunguquelu Ineingen Jehová tañi fütra trahun 2024
Cullilayaimi tami conpual • Ngelai tami hulal plata
Falinque dungu tami quimal
Viernes: Ngüneduamfinge ti pu Evangelio ñi chem pilen Jesús mu. Tüfa pengeli chem ñi rupan mülepalu mapu mu. Com tüfachi huirintuculelu cümelcaqueiñmu famülque mu.
Sabado: ¿Chem quimeltucünungei ñi choyüngeal Jesús ca chumngechi ñi tremal pichi huentrungelu? ¿Rüf huechutriparpui ñi feipicünungeel?
Domingo: Hulngeai ti hueupin feipilelu “¿Chumngelu llicanielafiyiñ tati huesaque dungu?”. Quimaimi chumngelu millonque che yafüluucülei doyelcülerpule rume huesaque dungu mapu meu.
Fütra video
Cümeque dungu ñi quimeltuel ta Jesús: Video quiñe
Ti rüfngechi pelon com che meu
Afmatufal dungu ñi choyüngen ta Jesús. Huelu petu pichicalu ca rupai afmatufal dungu mu. Quiñe rey ayüfui ñi langümaeteu, feimu yengetui Egipto mapu meu. Rupalu ta tripantu, pichi huentrungelu, afmatulfi quiñeque quimeltufe. Com tüfachi dungu peafimi quiñe fütra video epu troquiñcünungealu viernes meu ca sabado antü meu.
Pefinge quiñeque video pengelngealu chumngei taiñ fütra trahun
¿Chumqueiñ taiñ doi fütraque trahun mu?
Tüfachi video mu peaimi chem dungu rupaquei fütraque trahun mu ñi nieel pu Dunguquelu Ineingen Jehová.
Pu Dunguquelu Ineingen Jehová tañi fütra trahun 2024: Amuldunguaiñ ti cümeque dungu
Pefinge chem ñi ngüneduamngeal ti fütra trahun mu.
Re pengelpengeltungeai ti fütra video: Cümeque dungu ñi quimeltuel ta Jesús
Fentren che quimniei ñi afmatufalngen feichi choyüngelu Jesús. Huelu, ¿chem dungu rupai petu ñi choyüngenon Jesús ca deu choyüngelu?