Bibliat yatjjatañatak yanaptʼanaka
Bibliat yatjjatañatak aka yanaptʼanakajj gratisakiwa. Ukanakampiw Bibliat jukʼamp yatjjatasma, kamsañsa muni uksa amuytʼarakisma. Aka cheqanjja, gratisakiw Biblia liytʼasma jan ukajj Bibliat yatjjatañatak yanaptʼanaksa uñakiptʼasma. Bibliat parlir videonakaw utji, jukʼamp yatjjatañatak mä jachʼa librompi, Biblian utjir mapanakampi, Biblian utjir arunak qhanañchir mä glosariompi, ukhamarak walja yaqha yanaptʼanakampi.
Internetan Biblia liyiñataki
Machaq Mundon Jakirinakataki Bibliajj kunjam lurtʼatasa uk yatjjatam, aka Bibliajj cheqapar lurtʼatawa, fácil liytʼkañarakiwa.
Bibliat yatjjatañatak videonaka
Biblian libronakapat qhanañchir videonaka
Aka videonakanjja, kuna toqenakatsa Biblian mä libropajj parli, kunas uka tiempon pasaskäna ukanakaw mä qhawqha minutonakan qhanañchasi.
Biblian yatichäwinakapa
Aka videonakajja, kuntï jilaparte jaqenakajj Bibliat jisktʼasipki uka jisktʼanakaruw qhanañchi, ukanakat yaqhepajj akanakawa: ¿kunatsa Diosajj aka oraqe luri? Jiwjjtan ukhajja, ¿kunas jiwasampejj pasjje? ¿Kunatsa Diosajj tʼaqesiñanak jan chhaqtaykpacha?
Bibliat yatjjatañatak yanaptʼanaka
Sapürutak Bibliat apstʼat textonaka
Diosan Arupat sapür yatjjatañataki sat folletojja, Diosar mayisiñatak oracionanakani mä libror uñtasitawa. Sapürutakiw mä textojj utji, uka textojj qhanañchtʼatarakiwa.
Bibliat yatiñatak jisktʼanaka
Kunsa Bibliajj Diosatsa, Jesusatsa, oracionatsa, familiatsa, jiwañatsa, kunatsa tʼaqestan, yaqha ukhamanakatsa qhanañchi uk yateqam.
Qhanañchtʼat versiculonaka
Biblian wali uñtʼat mä versiculopasa yaqhep arunakas kamsañpuns muni ukanak yateqam.
Internetankir Biblioteca (opens new window)
Jehová Diosan Testigonakapan Bibliat apstʼat qellqatanakapampi Bibliat yatjjattʼam.
Maynin yanaptʼapampi Bibliat yateqañataki
¿Kunjamsa Jehová Diosan Testigonakapajj Bibliat yatichapjje?
Jehová Diosan Testigonakapajj gratisakiw Bibliat yatichapjje, kawknïr Bibliampis yateqañ munta ukajj jumatäjjewa. Jumamp chika yateqapjjañapatakejja, taqpach familiamaruw invittʼasma, amistadanakamarus invittʼarakismawa.
Maynimp visitayasiñataki
Biblia toqet parlañatakejj Jehová Diosan mä Testigopampiw visitayasisma jan ukajj gratisak Bibliat yatichayasiñatakejj aka formulario phoqantasma.