Нә барәдә дуа етмәк олар?
Мүгәддәс Јазыларын ҹавабы
Мүгәддәс Јазыларда дејилдији кими, Аллаһын ҝөзүндә мүнасиб олан һәр шејә ҝөрә дуа едә биләрик. «О, ирадәсинә мүвафиг олан һәр бир диләјимизи ешидир
» (Инҹил, 1 Јәһја 5:14). Мәсәлән, сиз шәхсән сизи нараһат едән мәсәләләрә ҝөрә Аллаһа дуада мүраҹиәт едә биләрсиниз. Јарадан бизи һүзурунда гәлбимизи бошалтмаға дәвәт едир (Зәбур, Мәзмур 62:8).
Даһа нә барәдә дуа етмәк олар?
Аллаһа иман (Инҹил, Лука 17:5).
Јахшылыг етмәк үчүн ҝүҹлү ирадә (Инҹил, Лука 11:13).
Әзаб-әзијјәтләрә синә ҝәрмәк вә ҝүнаһдан узаг дурмаг үчүн әзм (Инҹил, Филипилиләрә 4:13).
Гәлб раһатлығы (Инҹил, Филипилиләрә 4:6, 7).
Јахшы гәрарлар гәбул етмәк үчүн һикмәт (Инҹил, Јагуб 1:5).
Һәјатда көмәк (Инҹил, Матта 6:11).
Ҝүнаһларын бағышланмасы (Инҹил, Матта 6:12).