БӘЗИ ИНСАНЛАР ИНАНЫР КИ, инсан өләндән сонра руһ бәдәндән ајрылыб башга јердә јашамаға давам едир. Анҹаг диҝәрләри өлүмүн һәр шејин сону олдуғуна инаныр. Бәс сиз нәјә инанырсыныз?

МҮГӘДДӘС КИТАБДА ДЕЈИЛИР:

«Өлүләр һеч нә билмир» (Ваиз 9:5). Өлүм инсанын варлығына сон гојур.

МҮГӘДДӘС КИТАБДА ДАҺА НӘ ДЕЈИЛИР?

• Илк инсан олан Адәм өләндән сонра торпаға гајытды (Јарадылыш 2:7; 3:19). Ејнилә диҝәр инсанлар да өләндә торпаға гајыдырлар (Ваиз 3:19, 20).

• Өлән инсанын бүтүн ҝүнаһлары әфв олунур (Ромалылара 6:7). Ҝүнаһларына ҝөрә даһа ҹәза чәкмир.

СИЗҸӘ...

• Бәли

• Хејр

• Ола биләр

МҮГӘДДӘС КИТАБДА ДЕЈИЛИР:

«Өлүләрин дирилмәси олаҹагдыр» (Һәвариләрин ишләри 24:15, Инҹил, 1996).

МҮГӘДДӘС КИТАБДА ДАҺА НӘ ДЕЈИЛИР?

• Аллаһын Кәламында өлүм чох вахт јуху илә мүгајисә олунур (Јәһја 11:11—14). Аллаһ үчүн инсаны дирилтмәк јатмыш инсаны ојатмаг кими бир шејдир (Әјјуб 14:13—15).

• Мүгәддәс Китабда бир нечә дирилмә һадисәси гәләмә алыныб. Бу, бизи әмин едир ки, өлүләрин дирилмәси мүмкүндүр (1 Падшаһлар 17:17—24; Лука 7:11—17; Јәһја 11:39—44).