Хејр, бу белә дејил. Чүнки әсрләр боју јашајан вә Јеһованын Шаһиди олмајан милјонларла инсанлар да Аллаһын рәғбәтини газанараг Ҹәннәт һәјатына лајиг ҝөрүлә биләҹәкләр. Мүгәддәс Јазыларда гејд олунур ки, һәм салеһ, һәм дә гејри-салеһ инсанларын дирилмәси олаҹаг (Инҹил, Һәвариләрин ишләри 24:15). Бундан әлавә, һал-һазырда јашајан вә һәлә дә Аллаһа ибадәт јолуну сечмәјән инсанларын да хиласа јетишмәк имканы вар. Һәр һалда, кимин хилас олуб-олмајаҹағы мүлаһизәсини јүрүдәрәк Аллаһын ишинә гарышмаг ихтијарымыз јохдур. Бу иши Аллаһ сон ҝүндә зүһур едәҹәк гулу вә елчиси Мәсиһ Исаја тапшырыб (Инҹил, Јәһја 5:22, 27).