NƏĞMƏ 8
Yehova pənahımızdır
(Zəbur 91)
-
1. Yehova pənahımdır,
Qalam, güvənc yerim.
Qorur Öz kölgəsiylə,
Orda yuva tapdım.
Sadiq kəsi darda qoymaz,
Çətin anda edər xilas.
Yehova istehkamdır,
Əzəli Qüdrət Sahibim.
-
2. Sadiq qal, heç vaxt qorxma,
Qoru imanını.
Gözünlə görəcəksən
Pisin cəzasını.
Bəla sənə yaxın gəlməz,
Saleh kəsə xətər dəyməz.
Yehova sipərindir,
Dar gündə olar dayağın.
-
3. Sən düşmə təlaşa heç,
Allah atmaz səni.
Qalxantək dəf eylər O,
Düşmən oxlarını.
Tordan səni xilas edər,
Gecə-gündüz qayğın çəkər.
Yehova pənahındır,
Daim hifz eylər O, səni.
(Həmçinin baxın: Zəb. 97:10; 121:3, 5; Əşy. 52:12.)