Tjémbi 46:1-11
Biniigana inyu ñéga kôa. Hiémbi hi bon bôlôm ba Kôra,+ kingéda likôdôk li Alamôt.*
46 Nyambe a yé lisolbene jés ni ngui+ yés,di nla hoo kôhna mahôla mé i ngéda bikuu.+
2 Inyu hala nyen d’a kon bé woñi, to ibale hisi hi nhéñha,to ibale dikôa di nkuuba, di kwo ikétékété tuye,+
3 to ibale malép ma tuye ma nkônd, ma ômôk,+to ibale dikôa di nyeñg inyule malép ma tuye ma nkumb. (Selah)
4 Lom wada a yé, nu diléléba tjé di nkônha tison Nyambe maséé,+lap ikeñi ni homa mpubhaga nu Nungingii.
5 Nyambe a yé mukété tison;+ i nla bé tjiba.
I maye ma kel,+ Nyambe a ga hôla yo.
6 Biloñ bi bi nyiñgha, biane bi tjiba;Nyambe a pot makeñi, hisi hi nyimbi.+
7 Yéhôva nu mintôñ mi gwét a yé ni bés;+Nyambe nu Yakôb a yé bañga yés lisolbene.* (Selah)
8 Lona, ni béñge minson mi Yéhôva,ni béñge lelaa a mboñ mam ma hélha hana ’isi.
9 A mélés gwét i nkoñ ’isi+ wonsôna.
A mbôk mpihlôñgô, a nyugut ki likoñ;a ntjé bikak bi gwét* ni hié.
10 “Tina moo, yina ki le me yé Nyambe.
Biloñ bi ga ti me lipém;+hisi hi ga ti me lipém.”+
11 Yéhôva nu mintôñ mi gwét a yé ni bés;+Nyambe nu Yakôb a yé bañga yés lisolbene.+ (Selah)
