Di nhel inyu nson woñ
Yoñ:
1. ’Bôdôl kôba yak len, minson minlam mi Ane,
Lôñni Bañga yoñ, bi nti me maliga ni bisai.
Mapubi nkol u maliga u nti, ma nkônde bai;
U omok ki batééda ba ba ntat me ni gwéha.
Ngôñ yem ki i ga yon i makoda makeñi.
Me nyi le m’a nôgda mu le: “Li, li nlôôha loñge!”
Yak i Ndap Ane, i yigil, me nôgda gwéha yoñ;
Me nigil i añal ni makénd, ni niiga ni ñem.
(NDIIMBA)
Di nhel inyu nson woñ,
Yak mam Ane yoñ i mal boñ.
Di ngwés énél ’Ane.
Di nkônde yi we, a Nyambe, yak hémle yés i nhol.
Ni mis ma bôdôl, di mbéñge bisai bi Ane yoñ.
2. Di yé bagwelnson lôñ yada ni we, a Nyambe.
Lôñni likalô jés, gwéha yés yosô i nyiba.
Ndip nokna i Bañga yoñ, lôñni nsañ ’ñem, we u nti,
Ni maéba mapubi, u ñunda bés njel i niñ.
Tjémbi di nyi toñol mahoñol ma yé me ’ñem.
Bibégés bi ndap lihaa, bi nti mbuu woñ liyééne.
Yak adna yés, to lakii di mpot bé nlélém hilémp,
I ñunda le gwéha ’pôla yés i gwé bé ’héga.
(NDIIMBA)
Di nhel inyu nson woñ,
Yak mam Ane yoñ i mal boñ.
Di ngwés énél ’Ane.
Di nkônde yi we, a Nyambe, yak hémle yés i nhol.
Ni mis ma bôdôl, di mbéñge bisai bi Ane yoñ.
