Najolo, sian natua-tua do parjolo sahali gelleng mamboto taringot seks. Jala boi do natua-tua paboahon taringot seks tu gellengna sesuai tu umur dohot kebutuhan ni gellengna.

Alai asing do saonari. Bukku The Lolita Effect mandok, “Lam poso-poso saonari akka dakdanak na mangida bahan seksual. Jala lam godang do tong media na patuduhon i.” Marguna do i tu akka dakdanak? Manang gabe sega do nasida alani i?

Nungnga adong bahan pornografi manang na didia pe. Di bukkuna na marjudul Talk to Me First, didok si Deborah Roffman do, “Gabe sala do na dipikkirhon [remaja, na so remaja dope, dohot dakdanak] taringot seks alani pakkataion, iklan, film, bukku, lirik lagu, acara TV, SMS, game, HP, dohot komputer na marisi gombar, hata, dohot lawak-lawak na cabul. Gabe dirippu nasida do . . . penting hian seks i.”

Sala ni bagian pemasaran do deba. Dipromosihon jala digadis akka partiga-tiga do baju na seksi tu akka dakdanak. Alani i, gabe sala ma pandangan ni akka dakdanak taringot penampilan. Bukku So Sexy So Soon pe mandok, “Sengaja do dibahen nasida akka gambar na so suman di barang na digadis nasida, asa olo dakdanak sai mangido barang na baru.”

Dang sae holan mamboto. Nang pe diboto sasahalak cara kerja ni mobil, belum tentu boi ibana denggan mamboan i. Dos songon i ma, nang pe diboto sasahalak taringot seks, belum tentu ibana boi mamakke parbinotoanna i lao mambahen keputusan na denggan.

Intina: Saonari, porlu hian do diajari hamu gellengmuna asa boi tarlatik nasida “mamboto dia na sittong dohot na sala”.—Heber 5:14.

Ajari ma gellengmuna. Tanggung jawabmuna do lao mambahas taringot seks tu gellengmuna. Nang pe maol mangulahon i, berusaha ma hamu mambahas i.—Prinsip ni Bibel: Poda 22:6.

Unang ma manjamitai. Daripada ganjang dipatorang hamu taringot seks tu gellengmuna, tumagon do tikki santai hamu mambahas taringot i. Misalna, tikki di pardalanan manang tikki mangulahon karejo di jabu. Asa olo tarbukka gellengmuna, sukkun ma pandanganna. Misalna, daripada didokkon hamu, “Boasa lomo ho mangida iklan sisongon i?” tumagon do disukkun hamu tu ibana, “Menurutmu, boasa ma dipakke pengiklan gambar na songon i lao manggadis barangna?” Dung dialusi ibana, sukkun ma muse, “Boha do pandanganmu taringot i?”—Prinsip ni Bibel: 5 Musa 6:6, 7.

Bahas ma sesuai tu umurna. Molo di toru ni lima taon dope gellengmuna, bahas ma tu ibana taringot aha do sebenarna goar ni organ seksna. Jala ajari ma nasida carana melindungi diri sian halak na olo mangulahon pelecehan seks tu dakdanak. Molo nga tamba balgana, boi do muse diajarhon hamu taringot reproduksi. Jala molo nungnga puber gellengmuna, boi do muse ubbagas na diajarhon hamu taringot seks tu nasida.

Ajarhon ma taringot pangalaho na denggan. Mulai sian na dakdanak gellengmuna, ajari ma nasida asa jujur, setia, jala olo menghargai halak na asing. Dung i gabe adong ma dalanmuna lao mambahas taringot pangalaho na denggan. Alai ikkon denggan do tong pangalahomuna. Misalna, molo dang lomo rohamuna mangulahon seks gellengmuna sebelum menikah, paboa ma i tu gellengmuna. Paboa ma aha akibatna molo diulahon ibana i jala boasa sala mangulahon i. Bukku Beyond the Big Talk mandok, “Molo diboto sahalak remaja dang lomo roha ni natua-tuana molo mangulahon seks ibana sebelum menikah, boi do gabe dang olo ibana mangulahon i.”

Bahen ma sitiruon. Ihutton hamu ma aturan ni Debata na diajarhon hamu tu gellengmuna. Misalna, dohot do hamu mekkel tikki mambege lawak-lawak na cabul? Seksi do caramuna marpakkean? Olo do hamu merayu halak na asing? Molo songon i do pangalahomuna, olo do gabe dirippu gellengmuna dang pola penting mangihutton aturan ni Debata na diajarhon hamu tu ibana.—Prinsip ni Bibel: Rom 2:21.

Tetap ma seimbang. Debata do na mambahen suami dohot istri boi mangulahon seks asa las roha ni nasida. (Poda 5:18, 19) Jadi paboa ma tu gellengmuna, haduan molo nga menikah ibana boi do ibana mangulahon seks tu pasanganna. Jala dang dihilala ibana haccit ni roha manang arsak ni roha ala mangulahon seks sebelum menikah.—1 Timoteus 1:18, 19.