Tur Betel
Las rohanami manogihon hamu asa ro tu Betel manang kantor cabangnami. Adong do pemandu tur di kantornami.
Nungnga Boi Be Tur Muse: Di piga-piga negeri, mulai 1 Juni 2023 nungnga boi be muse ro tur tu kantor cabang. Lao mamboto unggodang informasi taringot on, hubungi ma kantor cabang na naeng dikunjungi hamu. Unang ma ro hamu tur tu kantor cabang molo hamu positif COVID-19, mengalami gejala flu, manang baru berinteraksi tu halak na positif COVID-19.
Amerika Serikat
Na adong di halaman on
Informasi Tur
Pameran
Tur di Warwick Dang Dohot Pemandu
Bibel dohot Goar ni Debata (The Bible and the Divine Name). Dipatudu do di pameran on Bibel terjemahan naung leleng na mambahen goar ni Debata nang pe godang halak berupaya manghapus goar i. Di pameran on pe adong do dipatudu akka Bibel na asing dohot penemuan ni sejarah taringot Bibel.
Bangso na Pasangaphon Goar ni Jahowa (A People for Jehovah’s Name). Di bagian on, dipaboa do sejarah ni Saksi Jahowa. Adong do muse penemuan ni sejarah, gambar, dohot akka pengalaman na patuduhon toktong do ditogu-togu, diajari, jala diatur Jahowa bangsona lao mangulahon lomo ni rohana.
Kantor Pusat—Parniulaon na Patuduhon Haporseaon (World Headquarters—Faith in Action). Di bagian on dipatorang do taringot ulaon ni akka panitia di Punguan na Mangaradoti Organisasi, jala songon dia nasida mangurupi akka Saksi Jahowa mangoloi isi ni Bibel asa boi marpungu, marbarita na uli, mamparsiajari Hata ni Debata, jala patuduhon holong sada tu akka dongan.
Tur di Patterson Dang Dohot Pemandu
Akka Huta di Abad na Parjolo na Dipaboa di Bibel (First-Century Bible Village). Penasaran do hamu naeng mamboto songon dia parngoluon ni akka halak tikki di tano on Jesus? Di pameran on, boi do diida hamu songon dia parngoluon ni halak di abad na parjolo. Bahkan boi do hamu mancoba akka alat na hea dipakke nasida najolo. Pameran on boi mangurupi hamu asa lam menikmati tikki manjaha Bibel.
Akka Koin di Abad na Parjolo na Dipaboa di Bibel (First-Century Bible Coins). Di pameran on, dipatudu do akka koin na dipakke di abad na parjolo na disurat di Akka Bukku Junani Kristen. Dipaboa do muse perincian taringot koin i dohot ayat ni Bibel na paboahon taringot i.
“Diajari Jahowa ma Sude Anakkonmu” (“All Your Sons Will Be Taught by Jehovah”). Di pameran on, dipaboa do taringot akka sikkola dohot pelatihan na dibahen organisasi. Dipaboa do songon dia akka sikkola on mangurupi hita asa lam malo marbarita dohot mangurupi akka sintua asa denggan mangulahon tugasna.
“Mambela Hakta lao Marbarita na Uli” (“Defending and Legally Establishing the Good News”). Di pameran on, dipaboa do pengalaman ni akka donganta na toktong setia tu Jahowa nang pe adong tantangan. Ida ma songon dia organisasitta mamakke badan hukum lao mendukung ulaonta marbarita di liat portibi on.