Paving blok dohot taman lao dibahen di jolo ni pintu masuk di kantor na baru. Dibahen do pemanas di trotoar na adong di sabola hambirang asa toktong koring jala na mardalan disi dang tarsulandit tikki musim dingin. Dison do Kantor Betel, Kantor Panitia Cabang, dohot Departemen Dinas.

Sahalak anggota sian Departemen Interior mamakke mesin grinder lao padosdosson lantai andorang so mamasang keramik. Dipasang do vakum tu mesin grinder i lao mambuat akka orbuk sian lantai.

Bangunan on nungnga dimodifikasi asa boi gabe inganan lao manjakkon akka na ro, dohot lobi sian 200 anggota Betel na tading di Inganan Keluarga Betel E. Renovasi na diulahon di bangunan on, i ma mamasang jandela hemat energi dohot sistem alarm kebakaran na baru.

Sahalak teknisi mamasang kabel di peralatan telekomunikasi tu fasilitas Pelatihan Teknis. Fasilitas on dibahen lao mangurupi akka parkarejo, songon na di bagian saluran air, perawatan listrik, dohot keamanan.

Sahalak teknisi mamasang lampu LED tu fasilitas na baru di Departemen Pelatihan Teknis.

Sahalak parkarejo mamareso jarak ni saluran listrik. Inganan on direnovasi lao pakkeon ni piga-piga departemen kantor cabang na pinda sian Brooklyn.

Sahalak parkarejo mangalas pipa na lao dipakke gabe saluran aek las.

Departemen Eksterior mamakke lift traktor lao padenggatton jandela. Adong 298 jandela na hemat energi dibahen di bangunan on, asa hemat energi di musim panas dohot musim dingin.

Akka parkarejo mamasang tembok di halaman parkir utama na adong di Kantor 1 dohot Inganan Keluarga Betel E. Dipakke do akka batu na dibuat sian tembok najolo na dibahen taon 1970-an.

Sahalak parkarejo mangosos dinding andorang so dicat. Bangunan na direnovasi on ma na gabe inganan departemen Parhepengon, Komputer, dohot Pembelian.

Sahalak teknisi manarik kabel sahat tu bagian parginjang sahali sian bangunan i lao mamasang anti petir. Disambung ma kabel i sahat tu tano asa tusi lao energi listrik sian petir i jala asa unang sega bangunan i.

Saleleng proyek Wallkill on dikarejohon, dibahen do perawatan na denggan tu taman, termasuk ma akka hau na taida di gombar on. Menara air na di sabola hambirang boi menampung 150.000 liter aek (40.000 galon), on ma na gabe bagian utama persediaan air. Asing ni i, molo masa kebakaran, sian menara on do dibuat aek, jala dipakke tu alat pemadam otomatis.

Sahalak parkarejo mamasang sada sian 1.800 balok sian hau cherry na dipakke gabe lapis ni dinding di auditorium. Dang sarupa hapal ni akka balok on. Dipakke do on gabe peredam soara.

Charles Reed, naung gabe anggota Betel sian taon 1958. Donganta si Reed mangurupi mambahen jala mamasang bantalan beton tu bagian mesin cetak di Brooklyn, na mambahen akka sijahaon tu Amerika Serikat dohot tu akka negara na asing. Saleleng di proyek Wallkill on, rap karejo do ibana dohot tim quality control.

Akka parkarejo mamboan kursi na baru tu auditorium naung direnovasi, na boi menampung 812 halak.

Di auditorium naung direnovasi i, dipasang do monitor video dohot panel akustik di langit-langit.

Dibahen do ruang perawat di klinik na direnovasi on. Asa boi denggan mangurupi pasien, dipabidang ma koridor jala balga do dibahen kamar mandi disi.

Komplek Wallkill molo diida sian ginjang, na diingani hira-hira 2.000 anggota keluarga Betel. Proyek na massai balga on, i ma merenovasi akka bangunan na bidangna lobi sian 102.000 meter persegi. Proyek on nungnga sae tanggal 30 November 2015.