ULWIMBO 8
Yehova Cubo Cesu
-
1. Yehova cubo cesu
’Co twacetekela.
Mu cintelelwe cakwe,
E mo tukekala.
Pantu alacingilila
Bantu bakwe ’bacishinka.
Yehova e bucingo,
Ni Lesa uwa cishinka.
-
2. Abantu ababipa
Bonse bakaloba.
Lelo fwe bacishinka
Tukeminina ndi.
Tatutiina nangu cimo,
Pantu Lesa ’ba na ifwe.
Tukaba mu mapindo
Aya kwa Yehova Lesa.
-
3. Yehova kafumyapo
Fyonse ifiteyo,
Na fyonse ifilenga
Tuleba no mwenso.
Tatufwile ’kulatiina
Pantu twalicingililwa.
Yehova cubo cesu,
Akulatucingilila.
(Moneni na Amalu. 97:10; 121:3, 5; Esa. 52:12.)