Amalumbo 83:1-18
Umushikakulo. Ulwimbo lwa kwa Asafi.+
83 Mwe Lesa, mwitalala;+Mwibula ca kusosa, nangu kwikala tondolo, mwe Lesa.+
2 Pantu moneni! abalwani benu bali mu cimfulumfulu;+Kabili abamupata icine cine bainuna imitwe yabo.+
3 Basosela abantu benu ilyashi lya nkama mu bucenjeshi;+Kabili bapandanina amano pa bantu mwacingilila.+
4 Batila: “Iseni uleke tubalofye pa kuti beba uluko na kabili,+Pa kuti li-ibukishiwa kabili ishina lya kwa Israele.”+
5 Pantu bapandana amano no mutima umo;+Bapanganina icipangano pali imwe,+
6 Aba mu matenti ya kwa Edomu+ na bena Ishmaele, na bena Moabu+ na bena Hagari,+
7 Abena Gebali na bena Amone+ na bena Amaleke,abaPelishiti+ na bekashi ba ku Turi.+
8 Asiria na o ailunda kuli bena;+Asiria atungilila abana ba kwa Lote.*+ Seʹlah.
9 Citeni kuli bena ifyo mwacitile kuli Midiani,+ na kuli Sisera,+Na kuli Yabini+ pa mumana wa Kishone.+
10 Balofiwe pa En-dore;+Basangwike umufundo wa mushili.+
11 Citeni abakankaala babo nga Orebu na Seebu,+Na bacilolo babo bonse baciteni nga Seba na Salimuna,+
12 Abasosa abati: “Natupoke amekalo ya kwa Lesa yabe yesu.”+
13 Mwe Lesa wandi, balengeni ukuba nga kankungwe,+Lekeni babe nge misungu ku mwela.+
14 Ngo mulilo uoca impanga+Kabili ngo lubingu ulubilimya impili,+
15 Ifyo fine e fyo mubakonke ku nkuuka yenu+Kabili mubasakamike ku cipuupu cenu ica mwela.+
16 Lekeni ifinso fyabo filengwe nsoni,+Pa kuti abantu bafwaye ishina lyenu, mwe Yehova.+
17 Shi nabalengwe insoni no kusakamikwa inshita yonse,+Kabili bafulungane no kuloba;+
18 Pa kuti abantu beshibe+ ukuti imwe mweka, mwe bakwata ishina lya kuti Yehova,+Ni mwe Mwapulamo+ pano isonde ponse.+
Amafutunoti
^ Aba “bana ba kwa Lote,” bena Moabu na bena Amone.