Ol woman oli stap mekem rere graon blong planem sid blong gras. Long bakgraon yu save luk Haos Blong Slip A mo B.

Wan smol pul blong wota i stap biaen long Ofis Bilding. Oli wokem pul ya wetem ol narawan long eria blong Chelmsford olsem wan naturol drenej we i no spolem neija. Sistem ya i mekem kwaliti blong wota i kam gud moa, i mekem se i no save gat flad mo i mekem envaeronmen i klin blong ol man mo animol.

Wan hasban mo waef we oli kapenta, oli stap joenem ol samting we i seraotem ol ofis.

Oli yusum wan level we i olsem leisa, mo wan memba blong tim i putum wan saen long doa blong ples blong mekem hea.

Wan kapenta i yusum wan level blong putumap ol saen. From we eria blong branj i bigwan olsem 34 hekta, i gat ol saen olbaot long ples blong wokbaot blong givim daereksen long olgeta we oli slip long branj mo ol visita.

Wan memba blong local fire-and-rescue service i jekem presa blong wota.

Wan memba blong Konstraksen Projek Komiti i mekem moning wosip blong testem ol sistem blong niufala branj. Program ya oli putum blong ol Betel famle long London oli save wajem tru long strim.

Wan elektrisen i instolem wan trafik laet long rod we i kam insaed long eria ya.

Ol wokman oli katem ol kopa waea blong oli save yusum bakegen.

Wan brata we i mekem tua, i stap soem long ol visita se eria ya i luk olsem wanem. Bitim 95,000 visita oli bin kam visit long taem blong konstraksen.

Wan memba blong Branj Komiti blong Briten i toktok long tim blong konstraksen long laswan manis bifo we olgeta long betel dipatmen oli stat blong yusum ol ples ya. Bitim 11,000 volontia oli yusum taem mo paoa blong olgeta long projek ya.

Tim blong Video, mo lokol Brodkasting Dipatmen oli kasem trening blong yusum ol samting long niufala studio ya. Ol wokman ya oli werem ol blu sus blong protektem leg blong olgeta from wok i no finisim gud yet long ples ya.

Ol wokman oli stap klinim rod we i go long Ofis Bilding.

Wan mekanik i stap mentenem wan minibas long niufala garaj. From we ol bilding blong branj oli stap long sem eria nomo, naoia olgeta long Betel oli no moa nidim ol minibas olsem hemia blong karem olgeta evri dei i go long wok. So naoia oli save salemaot ol trak ya. Long bakgraon, i gat wan trak we tim blong Mentenens i yusum.

Oli stap karem ol samting blong ol Betelaet i kam long niufala ples ya. Wan tim blong 27 man oli halpem ol Betelaet blong oli muv long Jenuware mo Februari. Long stat blong manis Maj, ful famle blong Betel oli laef mo oli wok long niufala branj ya.

Ol staf blong kijin oli stap mekemrere salad blong Betel famle.

Oli karemaot wan temporari haos afta we oli salem. Long taem blong konstraksen ol wokman oli yusum ol haos ya blong slip from i klosap nomo long ples blong wok. Ol smosmol haos ya oli pat blong plan blong projek blong lukaot gud long envaeronmen. Dipatmen ya BREEAM we i lukaot long envaeronmen i apruvum plan ya. Long bakgraon hemia ol niufala haos blong slip.

Ol memba blong Translesen Dipatmen oli stap instolem smol rum blong mekem rikoding. Hemia men studio we oli yusum blong rikodem ol narafala lanwis we oli stap aninit long Briten branj olsem Irish mo Scottish Gaelic.

Wan brata we i wok long Dipatmen blong Lokol Disaen/Konstraksen i stap toktok wetem brata we i lukaot long konstraksen long saot is Inglan, long wan video konfrens. Ol brata we oli lukaot long konstraksen, oltaem oli kontaktem branj blong tokbaot konstraksen mo mentenens blong ol Haos Kingdom. Long bakgraon yu save luk ol narafala memba blong dipatmen ya oli stap tokbaot ol defren rod blong putum ol hita mo fan long ol niufala Haos Kingdom mo olgeta we oli riperem.

Ol niufala komiuta oli kam fastaem long resepsen bifo we oli go long miting blong welkam mo blong oli introdiusum dipatmen we bae oli wok long hem. Taem oli openem Briten branj long Chelmsford, i gat samwe long 500 komiuta we oli kam blong givhan long ol Betel famle we oli wok fultaem. Long bakgraon, ol teknisen oli stap testem mo ajastem ol TV skrin we bae oli pat blong ol displei blong ol visita.