Okhian Na Mu Lẹga vbe Bẹtẹl
Ma ye ẹkorhiẹnrhiẹnmwẹ tie ruẹ, nu do mu okhian lẹga ehe nẹ avbe ọfisi ọghomwa kevbe emadogua ne ima ya print avbe ebe ye. Gualọ ehe nọ khin kevbe ẹghẹ na ya mu okhian lẹga.
A Werriegbe Suẹn Gha Mu Okhian Lẹga e Bẹtẹl: Vbe ẹvbo nibun, ke June 1, 2023 kpa, ma gha kue ne emwa werriegbe suẹn gha mu okhian lẹga e Bẹtẹl. Deghẹ u hoo ne u rẹn sayọ, u sẹtin gbẹn ebe gie iran vbe Bẹtẹl ne u hoo ne u mu okhian gha rrie. Adeghẹ u mwẹ COVID-19, ọha ra u gu ọmwa nọ mwẹ COVID-19 mu obọ, lahọ ghẹ rre.
Australia
Vbene U Khian Ya Gbẹn Ẹghẹ Ne U Dee Yotọ
Ọ khẹke ne u gi ima rẹn ẹghẹ ne u ya dee yotọ u ke do mu okhian lẹga ra? Ẹẹn. Ọ khẹke ne emwa ni te hoo ne iran mu otuẹ rre ka gbẹn ẹghẹ ne iran ya dee yotọ, ne emwa ni mu otuẹ rre vbe ẹdẹ ọkpa ghẹ bun gbe, ọre te iran bun ra ibozẹghẹ iran khin, ọ gha kẹ, ọ gha re uzọla ọ te sẹ ẹdẹrriọ. Adeghẹ ẹghẹ irhiẹdẹ u ya dee, lahọ gi ima rẹn yotọ uki eso ọ te sẹ ẹghẹ ne u ya dee.
Adeghẹ u ma gi ima rẹn yotọ ẹghẹ ne u ya dee, u gha ye sẹtin do mu okhian lẹga ra? U i khian sẹtin mu okhian lẹga ẹdẹrriọ rhunmwuda ẹkpoto i mobọ rrọọ kevbe wẹẹ, Ibozẹghẹ emwa ẹre I ma mu lẹga ẹdẹdẹgbe.
De ẹghẹ nọ khẹke ne u ya sẹ emwa vbe ẹdẹ ne u khian do mu okhian lẹga? Lahọ rherhe sẹ emwa, ọ gha kẹ giẹ gha re ifuanro 10 ọ ke sẹ ẹghẹ ne u khian ya mu okhian lẹga.
De vbene u khian ya gbẹn ẹghẹ ne u ya dee yotọ hẹ? Ya klik ako nọ khare wẹẹ “Gbẹn Ẹghẹ Ne U Ya Dee Yotọ.”
U gha sẹtin fi ẹghẹ ne u dee werriẹ, ra ne u fi ekhọe werriẹ ra? Ẹẹn. Ya klik ako nọ khare wẹe “Ghee Ẹre ra Fi Ẹghẹ Ne U Ya Dee Werriẹ.”
Deghẹ ai khian rhie emwa lẹga vbe ẹdẹ ne u ya dee ghi vbo? Ye gha ghee wẹbsait na ne u mieke na rẹn deghẹ ẹkpotọ gha kie. Rhunmwuda zẹ vbene emwa ya fi ekhọe werriẹ kevbe ẹghẹ ne iran ya dee, erriọ ẹkpotọ ya kie ne emwa ọvbehe do ya mu okhian lẹga.
Okhian Na Mu Lẹga
Avbe Iwinna Na Mobọ Ru
Ma keghi siẹnro iwinna imamwaemwi ọghe Baibol ọghe Avbe Osẹe Jehova ni rre American Samoa, Australia, the Cook Islands, New Zealand, Niue, Norfolk Island, Samoa, Timor-Leste, kevbe Tonga. Ma vbe siẹnro iwinna izedu ọghe avbe ebe iyẹn ni rhan otọ e Baibol na zedu ẹre ghee urhuẹvbo 24.
Tobọ Ruẹ Khian Lẹga Aza Ọghe Ọghomwa Na Vio Emwi Arre Yi
Ebe, efoto kevbe vidio ughughan ni guan kaẹn alaghodaro ọghe ikporhu iyẹn nọ maan vbe Australasia ẹre ọ rre evba.