IHUAN 139
Gha Mu Agbọn Ọghe Ọgbọn Roro
-
1. Gha muẹn roro vbuwe ’khọe ruẹ,
Vben’agbọn ọgh’ọgbọn khian gha ye hẹ.
Ọfunmwegbe kevb’oghọghọ
Ghi do gha rre ’he hia vb’otagbọn.
Ai ghi mi’eve kevb’obalọ;
Egbe ghi wa rọkh’emwa nagbọn.
Osanobua gha rhi’afiangbe ne ’mwa hia.
Ma ghi y’ekhọe hia
gha sihuan ọghe ’kpọnmwẹ:
(KORRỌS)
“Osa ne ’rha mwa, ma rhie ’kpọnmwẹ nuẹ.
Arriọba ruẹ y’emwi hia khiọn gh’ọgbọn.
Ma keghi y’ekhọe hia sihuan ọgh’urhomwẹ.
Wẹ sẹ n’ima gha rhi’ugamwẹ kevb’uyi na.”
-
2. Gha muẹn roro vbuwe ’khọe ruẹ,
Agbọn ’gh’ọgbọn n’Osa mwamwa khẹ ’ma.
Ai ghi mi’emwi rhọkpa hiehie
Nọ khian y’ima gha mwọhanmumwẹ.
Ma hia gha rrọọ vbuw’akugbe.
Enọyanmwa gha gbarogh’ima.
Ọ ghi huẹn ’mwa ni wulo kpaegbe vb’idin;
Iran ghi debaima
gha rhie ’kpọnmwẹ n’Osa:
(KORRỌS)
“Osa ne ’rha mwa, ma rhie ’kpọnmwẹ nuẹ.
Arriọba ruẹ y’emwi hia khiọn gh’ọgbọn.
Ma keghi y’ekhọe hia sihuan ọgh’urhomwẹ.
Wẹ sẹ n’ima gha rhi’ugamwẹ kevb’uyi na.”
(Vbe ya ghee Psm 37:10, 11; Aiz 65:17; Jọn 5:28; 2 Pit 3:13.)
