Ang ‘Tan-awa ang Maayong Yuta’ maoy detalyadong atlas sa Bibliya nga makatabang sa pagpalalom sa imong personal nga pagtuon sa Bibliya. Ang Bibliya naghisgot ug daghang lugar, siyudad, ug kayutaan. Kini nga atlas makatabang nga maimadyin nimo ang imong ginabasa ug ginatun-an sa Bibliya. Ang ‘Tan-awa ang Maayong Yuta’ makatabang nimo nga maimadyin ug mahibaloan kon diin nahitabo ang mga asoy sa Bibliya. Makatabang sab ni nga masabtan nimo kon sa unsang paagi ang geograpiya, o lokasyon, nakaapektar sa mga hitabo sa Bibliya.

Ang ‘Tan-awa ang Maayong Yuta’ dunay daghang colored nga mga mapa ug tsart bahin sa lainlaing lugar nga gihisgotan sa Bibliya. Kini nga atlas sa Bibliya duna poy mga dayagram, computer rendering, ug daghang feature nga makatabang aron mahimong mas makalingaw ang imong personal nga pagtuon.

Kini nga atlas sa Bibliya makatabang nimo nga

• masabtan ang mga panaw ni Abraham, Isaac, ug Jacob

• makita ang ruta sa mga Israelinhon dihang migawas sila sa Ehipto ug mipaingon sa Yutang Saad

• matandi ang lokasyon sa Israel ug sa kaaway nga mga nasod niini

• makita ang mga lugar nga giadto ni Jesus sa iyang pagministeryo

• masabtan kon unsa ka dako ang teritoryo sa mga imperyo nga gihisgotan sa Bibliya, sama sa Babilonya, Gresya, ug Roma

Ma-access nimo online kining libre nga atlas sa Bibliya diha sa Watchtower ONLINE NGA LIBRARYA.