1. Bondye lanmour i dir nou tou:

‘Mars dan mon semen lanmour.’

Kontan Bondye ek nou prosen,

I pous nou fer byen sak zour.

Lanmour i sours nou legzistans,

Ansenny nou vre bi lavi.

I reflekte dan nou parol.

Lanmour pa zanmen fini.

2. Lanmour Bondye ek ladrwatir

I ganny prouve par aksyon.

I ed nou sirmont nou febles

E sanz nou move fason.

Lanmour i pasyan, siport tou,

I pir e i pa groker.

Pour apresye gou vre lanmour,

Aprann kontan plis nou frer.

3. Zanmen les laenn vin ou met,

Zanmen les li kontrol ou.

Pran Bondye konman ou sel gid,

Son prensip pou diriz ou:

Lanmour Bondye ek ou prosen,

Fodre i senser e vre.

Demontre pour lezot lanmour

Parey sa ki pour Bondye.