BIBLÖ DRAANSÜ ˈÖ MƐN ˈBHA DHO Ü ˗TAKUN ˗A ˗BHA
Zuʋ̈gblüdhi ꞊slɔɔ ˗toëpö ˈka!
Biblö draansü ˈö ꞊dhɛ ˈˈdoodɔ ˗sü ˈdhö ˈö ˈwëëga bho ˗wɔn ˈyaa˗ ˈgü bhë, ˗yö ˗dho ü ˗takun kö dhɛɛˈˈ ˗nu ˈwo yö ˈü ˗an ˗yɔ dɔ:
A ˗dho ˗a kë ꞊dhɛ kö ˈa zuʋ̈gblüdhi ꞊slɔɔ?
ˈWɔn yaa waa saanˈˈ ˗nu ˗wo ˗dho ɲën yi ˈbhaa ˈka ˗ee?
N ˗man mɛn ˗wɔngbɩɩsü ˗nu ˈö ˗wa ga, a ˗dho ˗kpan ˗an ˗bha ˈzü yi ˈbhaa ˈka ˗ee?
˗Zlan ö ˗zota ꞊dedewo n ˗wɔn ˈgü ˗ee?
A ˗dho bhɛɛˈˈ ˗kɔ ˗kë ꞊dhɛ kö ˗Zlan ö ˈˈtʋ ˈto n ˗wo ˗bha?
ˈWëë˗ ˗wɔn ˈyaa˗ ˈgü
Yi ˗dho ˗a ˗zɔn ü ˗dhɛ ˈˈwɛɛwɛ, ˈyö ˗a ˈsëëdhɛ ˗be Zuʋ̈gblüdhi ꞊slɔɔ ˗toëpö ˈka! ˈö ˈkwa ˗dho pë draanˈˈ ˗a ˈgü bhë ˈyi˗ nu ˈpö ˈˈwɛɛwɛ. ꞊Ya kë ꞊dhɛ Biblö ˈyaa ü ˗gɔ yi ꞊mɔɔn˗ ˗bha ˈyi˗ nu ü ˗dhɛ ˈzü ˈˈwɛɛwɛ.
ˈˈTʋ̈ŋ waa ˗dhɛ ˈö ü ˗zokun
Kaa ü ˗bha ꞊klaŋgɔmɛn, ka ˗ya ˗dhɛ do ˈgü ɛɛnˈˈ ka˗ ˗kë ɛntɛnɛtö ˗ta ɛɛnˈˈ telefɔnö ˈˈdhiʋ̈, ˗yö ˗dho kë ˈˈlɛlɛ waa ˗dhɛ ˈö ü ˗zokun ˗a ˗bha.
ˈSëëdhɛ kë ˗wɔn ˈyaa˗ ˈgü
ˈˈTʋ̈ŋ suu ˈˈoo ˗su ˈö ˗dhi ü ˗dhɛ ˗a ˈka, ü ꞊mɔɔn˗ ˗bha ˈü˗ ꞊klaŋ ˈduaannu.
Yi Biblö ˗zɔn mɛn ˗nu ˗dhɛ ˗kɔ ˗kë ꞊dhɛ?
Mɛn ˈö Biblö ˗zɔn ü ˗dhɛ, ˗yö ˗dho ˈwɔn ˗gɔ ˗nu ˈwo Biblö ˈgü ˗an ˈsü do do ˈö ü ˗takun ˗an ˈgüman ˗sü ˗bha. Biblö draansü ˈö ꞊dhɛ ˈˈdoodɔ ˗sü ˈdhö ˈö ˗gban ˈsëëdhɛ ˗be Zuʋ̈gblüdhi ꞊slɔɔ ˗toëpö ˈka! ˗ta bhë, ˗yö ˗dho ü ˗takun kö nɔɔn˗ ˈö Biblö ˈgü waa ˈwɔn ˗së ˈö ˗dho ˗a kë ü ˗dhɛ ˈü ˗an ˈgüman ˈˈdhiʋ̈dhiʋ̈. ˈBha˗ pö ˈwɔn ˈbhaa ˗nu ˈwo ˗gban Biblö draansü ˗bha ˈü ˗an dɔ, video ˈö yö ˗a ˗ga ɛɛnˈˈ ˗bhö dhɛɛˈˈ ˗nu ˈwo ˗an kpɔ ꞊shiöŋ ˈö ˈwo ˗gban Biblö draansü ˗bha ˗an ˗yɔ ˗ga.
Ü˗ ˈˈpiʋ̈ ˈü˗ ˈwɔn ˗gɔ ˈbhaa ˗nu ˗ga ˗ee?
˗A Biblö draansü ˈwɔn ˗gɔ ˗blɛɛsü ˗nu ˗ga.
Ü˗ ˈˈpiʋ̈ ˈü˗ ˈgüdan ˗ee?
˗Ya kë ꞊dhɛ ü˗ ˈˈpiʋ̈ ˈü˗ Biblö draansü ˗dhɛ, ü ˗kɔ ꞊nënŋ ˗dhɛ ˈˈbudhaŋsü ˈö ˈˈshia bhë ˗a ˗ta.