Baarakɛminan damanin be sɔrɔ JW Library kɔnɔ. U be se k’i dɛmɛ k’a kɔnɔfɛnw yiracogo labɛn i sago la. N’i be sapitiri wala barokun dɔ kalanna, i be se k’o baarakɛminanw sɔrɔ navigatɛri kɔnɔ, ekran sanfɛ.

A kɛ ten:

•  Kaanw yɛlɛma

•  Sɛbɛriw bonya yɛlɛma

•  Jaa wala sɛbɛri cogo

•  “Ouvrir dans . . .”

•  Vɛrise kɔnɔkow

I be sapitiri wala barokun min kalanna, i be se k’o kaan yɛlɛma.

• Kaanw yɛlɛma yɔrɔ digi walisa k’a filɛ o barokun be sɔrɔ kaan minw bɛɛ la. I ka teli ka kalan kɛ kaan minw na, olu lo be yira sanfɛ. La Tour de Garde nɔgɔman bena yira o yɔrɔ la fana. N’i be kaan dɔ fɛ, i be se k’o tɔgɔ sɛbɛ fana.

• I ma kaan minw telesarse fɔlɔ, sankaba tagamasiɲɛ be olu gɛrɛfɛ. O kaan yɔrɔ digi walisa k’o gafe telesarse. N’a telesarsera ka ban, sankaba tagamasiɲɛ be tunu. O kaan yɔrɔ digi tugun walisa k’o gafe kalan.

I be se ka sɛbɛriw bonya yɛlɛma i sago la.

Barokun dɔw bena yira jaa wala sɛbɛri cogo la. Butɔn digi yɔrɔ nin na walisa k’a kɛ jaa wala sɛbɛri cogo la.

• Jaa cogo: N’a be jaa cogo la, a be yira i n’a fɔ PDF. O yiracogo lo ka di dɔw ye an ka gafew kɔnɔ i n’a fɔ dɔnkili gafe. O gafe kɔnɔ, tagamasiɲɛ dɔw be dɔnkiliw lacogo yira.

• Sɛbɛri cogo: N’i sɛbɛriw dama lo, i be se k’i bolo digi vɛrisew kan. O la, u be yɛlɛ ani u bonya be kɛ i n’a fɔ i tun y’a labɛn cogo min na.

N’i y’o yɔrɔ digi, i be se ka JW Library kɔnɔfɛnw filɛ site wɛrɛw kɔnɔ.

Gafe dɔ kalantɔ, n’i ye butɔn digi vɛrise dɔ kan, o vɛrise kɔnɔkow be yira. Vɛrise jukɔrɔ, a sɛbɛra ko: Personnaliser. O yɔrɔ digi walisa ka Bibulu bayɛlɛmani dɔ wɛrɛw sugandi. Butɔn wulenman wala binkɛnɛlaman digi walisa ka Bibulu bayɛlɛmani dɔw fara a kan wala k’u bɔ yen. Bibulu tɔgɔw sama ka tag’a bila i diyanye yɔrɔ la.