Emekeme ndikot nsio nsio n̄wed ye tract, onyụn̄ ese mme vidio ke JW Library, idem ke ini mûdụkke Intanet

Nam se itịn̄de ke idak emi man ekeme ndision̄o nnyụn̄ ntịm mme n̄wed fo mbon:

•  Sion̄o Se Ẹdọn̄de

•  Sio Fep

•  Sion̄o Mbufa N̄kpọ Dọn̄

Emekeme ndision̄o n̄wed ye vidio ye se ededi oro amade ọdọn̄ ke fon m̀mê tablet fo onyụn̄ ada ekpep ikọ Abasi ini ekededi oro amade idem ke ama ọkọwọrọ ke Intanet.

• Tụk ebiet emi okụtde Publications, oro edi, Se Ẹdọn̄de, man okụt nsio nsio n̄kpọ emi ẹdọn̄de.

• Tụk ebiet emi okụtde idiọn̄ọ Usem man okụt kpukpru usem emi ẹnyenede n̄kpọ ke JW Library. Tụk usem oro oyomde. Mme usem emi esiwakde ndikụbọde ke edibem iso okụt. Omonyụn̄ ekeme nditaip enyịn̄ usem emi oyomde do.

Nsio nsio usụn̄ odu ndiyom se ẹdọn̄de ke JW Library.

Edieke otụkde ebiet emi okụtde By Type, emi ẹkotde Utọ ke Ikọ Efịk, oyokụt nsio nsio n̄kpọ emi ẹdọn̄de ke usem oro, utọ nte n̄wed, tract, ikwọ, m̀mê vidio. Enyene ndusụk n̄kpọ emi otụkde, utọ nte Enyọn̄-Ukpeme, enye osion̄o eke nsio nsio isua edi, onyụn̄ edi vidio ke otụk, enye osion̄o ke utọ ke utọ edi. Tụk ebiet emi okụtde All Types, emi ẹkotde ke Ikọ Efịk, Kpukpru N̄kpọ, man afiak emen fi aka ntọn̄ọ.

Ebiet emi okụtde What’s New, oro edi, Obufa N̄kpọ, owụt nsio nsio mbufa n̄kpọ oro ẹdude ke usem emi okụbọrede ke JW Library.

Tụk se ededi emi oyomde man enye ọwọrọ odụk fon m̀mê tablet fo.

Mme n̄kpọ emi ẹnyenede idiọn̄ọ ntọn̄enyọn̄ ẹdi mbon emi mûsion̄oke kan̄a udọn̄ ke fon m̀mê tablet fo. Tụk n̄kpọ emi oyomde ọwọrọ odụk fon m̀mê tablet fo. Ama ososion̄o mme n̄kpọ emi, n̄kpọ oro etiede nte ntọn̄enyọn̄ do ididụhe aba. Fiak tụk se okosion̄ode oro man enye okụbọde ọnọ fi okot.

Ama otụk Downloaded, oro edi, Se Okosion̄ode, oyokụt kpukpru n̄kpọ oro okosion̄ode ke usem ekededi. Tụk n̄kpri udịm ita emi okụtde ke enyọn̄ enyọn̄ ubọk nnasia man okụt Frequently Used, oro edi, Se Esiwakde Ndikụbọde, Rarely Used, oro edi, Se Mûsuwakke Ndikụbọde, mîdịghe Largest Size, oro edi, N̄kponn̄kan.

Emekeme ndisọhi se mûyomke aba mîdịghe ọsọhi man enyene ufan̄ ọdọn̄ n̄kpọ en̄wen.

Tụk Publications, oro edi, Se Ẹdọn̄de, ekem tụk se oyomde ndisio mfep (ke uwụtn̄kpọ, edieke oyomde ndisio akpan n̄wed kiet mfep, tụk Mme N̄wed) man okụt kpukpru n̄wed emi ọdọn̄ọde kef on m̀mê tablet fo. Ekem tụk Select, oro edi, Mek, nyụn̄ mek n̄wed emi oyomde ndisio mfep. Edieke efịkde n̄wed akama ke sekọn ifan̄, ẹyebụp fi m̀mê omoyom ndisio n̄wed oro mfep. Edieke oyomde ndisio enye mfep, tụk Delete, oro edi, Sio Fep, nyụn̄ fịk ih ndiwụt ke emenen̄ede oyom ndisio enye mfep.

Edieke oyomde ufan̄ se ọdọn̄de n̄kpọ efen, emekeme ndision̄o mme n̄kpọ oro mûsuwakke ndida nnam n̄kpọ m̀mê mbon oro ẹnen̄erede ẹkpon. Tụk Publications, oro edi, Se Ẹdọn̄de, ekem tụk n̄kpri udịm ita oro ẹdude ke nnasia man okụt Rarely Used, oro edi, Se Mûsuwakke Ndikụbọde, mîdịghe Largest Size, oro edi, N̄kponn̄kan. Sio se mûyomke aba fep.

Ke ini ke ini, ẹsikpụhọde mme n̄kpọ ke se okosion̄ode ke JW Library ọdọn̄ ke fon m̀mê tablet fo.

Edieke ẹkpụhọrede n̄kpọ, oyokụt idiọn̄ọ emi odude mi ke ubọk ufien ke se ededi oro ẹkpụhọrede. Ama otụk n̄kpọ oro, ẹyedọhọ fi ke ẹkpụhọde n̄kpọ ke se oyomde ndikụbọde oro. Tụk Download, oro edi, Sio, man osion̄o obufa n̄kpọ oro, mîdịghe afo otụk Later, oro edi, Ini En̄wen, man aka iso okot se ama okososion̄o.

Man okụt m̀mê enyene n̄kpọ ndomokiet emi ẹkpụhọrede, fiak ka akpa page, ekem tụk Publications, oro edi, Se Ẹdọn̄de. Edieke ẹkpụhọrede, oyokụt nte ẹwetde Pending Updates, oro edi, Se Anade Afiak Osion̄o, do. Tụk n̄kpọ emi man okut kpukpru n̄kpọ emi ẹkpụhọrede. Tụk se oyomde man osion̄o mbufa ọdọn̄ ke fon m̀mê tablet fo, mîdịghe tụk Update All, oro edi, Sion̄o Mbufa N̄kpọ Dọn̄, man osion̄o kpukpru mbufa n̄kpọ oro ẹkpụhọrede.