Nyimpa pii bu mbeamudua dɛ ɔyɛ Christianfo a wɔwɔ wiadze nyina no hɔn asɛnkyerɛdze. Ɔwɔ mu dɛ Jehovah Adasefo yɛ Christianfo dze, naaso yɛmmfa mbeamudua nndzi dwuma wɔ hɛn som mu. Ebɛnadze ntsi a?

Siantsir kor nye dɛ, Bible no da no edzi dɛ Jesus ennwu wɔ mbeamudua do, na mbom dua a wɔdze esi hɔ do. Afei so, Bible no bɔ Christianfo kɔkɔ paa dɛ: “hom nguan abosonsɔr,” na iyi bɛkyerɛ dɛ ɔnnsɛ dɛ yɛdze mbeamudua dzi dwuma wɔ ɔsom mu.​—1 Corinthfo 10:14; 1 John 5:​21.

Dza Jesus kãe yi ho hia paa: “Ɔnam yi do na nyimpa nyina bohu dɛ hom yɛ m’esuafo, sɛ hom wɔ ɔdɔ wɔ homho nkorkor a.” (John 13:34, 35) Ntsi, Jesus daa no edzi dɛ ahofama dɔ​—nnyɛ mbeamudua anaa mfonyin fofor biara​—na ɔbɛma no nokwar ekyirdzifo aada edzi.