Allah no faalaa yo yimɓe ɓen heɓu ngurndan weluɗan e hoore ndii leydi. O tagi leydi ndin e piiji ɗin fow ka hoore leydi ɓayri himo yiɗi en. Neeɓataa o okkoyay en moƴƴere janngo e oo aduna. O ittoyay kala ko addata tampere. — Janngee Yeremiiya 29:11, Traduction du monde nouveau ; 1 Timotee 6:19.

Haa hannde hay laamu wootu waawaali ittude masiibooji, ɲabbeeli, maa mayde. Kono kibaaru moƴƴo no woodi. Neeɓataa Allah ittoyay laamuuji ɗin fow, ko laamu makko ngun tun luttoyta. Ɗoftiiɓe ɓen heɓoyay ɓuttu e cellal. — Janngee Feɲɲinannde 21:4 ; 11:15.

Tampere lannoyi woo si Allah muloyi bonɓe ɓen (Safaniiya 2:3, TMN). Honnde tuma ɗun waɗoyta ? Allah daaluno ka Deftere makko ɗii piiji fow wonɗi e feƴƴude hannde e oo aduna. Ɗun fow no holli neeɓataa Allah waɗa faale makko on. — Janngee 2 Timotee 3:1-5.

Hiɗen haani janngude Deftere Allah nden. Hinde wa’i wa ɓataakuru iwrundu ka baabaajo wonduɗo e giggol. Hinde holli en ko haanuɗen waɗude fii no heɓiren ngurndan moƴƴuɗan hannde e fii no wuuriren haa poomaa. No gasa, weloytaa woɓɓe fii ko wonaɗon walleede kon no faamiron Deftere Allah nden. Kono wonaa yo on accu sifa ɗun feƴƴira on, ko okkoyta on moƴƴere janngo. — Janngee Matta 5:10-12 ; Feɲɲinannde 14:6, 7.