LALA 128
Fi Shi Kɛyawula Shi
-
1. Nyɔŋmɔ Wiemɔ mli shiwoi fɛɛ
Hãa wɔfiɔ shi jogbaŋŋ.
Nibii fɛɛ kwa ni wɔkase
Ji anɔkwale diɛŋtsɛ.
Fi shi yɛ anɔkwale lɛŋ,
Kaimɔ Nyɔŋmɔ gbi wulu.
Kaaŋmɛɛ onɔkwayeli he,
Kai baanyɛ awaje bo.
-
2. Kaaŋmɛɛ oklɛŋklɛŋ suɔmɔ he,
Kaahã ehe jɔ kwraa.
Fi shi yɛ okai fɛɛ amli,
Gbele kɛ wala nɔ po.
Kai fɛɛ ni okɛbaakpe lɛ,
Fi shi shiŋŋ; kaashe gbeyei.
Yehowa baahi omasɛi,
Ebaahã oye kunim.
-
3. Mɛi ni fiɔ shi kɛwulaa shi,
Amɛbaaná wala.
Yehowa baahã amɛgbɛ́i
Ahi wala wolo lɛŋ.
Hewɔ, nyɛhãa wɔfia shi shiŋŋ
Yɛ shihilɛi fɛɛ amli.
Yehowa Nyɔŋmɔ baajɔɔ wɔ;
Wɔbaaná miishɛɛ naakpa.
(Kwɛmɔ Heb. 6:19; Yak. 1:4; 2 Pet. 3:12; Kpoj. 2:4 lɛ hu.)
