Hɛɛ, Yehowa Odasefoi kpɛlɛɔ tsofafeemɔ nɔ, ni amɛyaa helatsamɔhe. Eyɛ mli akɛ wɔkwɛɔ wɔgbɔmɔtso kɛ hewalɛnamɔ nɔ jogbaŋŋ moŋ, shi bei komɛi lɛ ehe bahiaa ni wɔyana datrɛfonyo. (Luka 5:​31) Anɔkwa, taakɛ eji yɛ klɛŋklɛŋ afii 100 lɛŋ Kristofonyo Luka gbɛfaŋ lɛ, Yehowa Odasefoi komɛi yɛ ni amɛji datrɛfoi loo nɛɛsifoi.​—Kolosebii 4:14.

Shi bei komɛi lɛ, tsofafeemɔi komɛi yɛ ni teɔ shi ewoɔ Biblia shishitoo mlai, ni wɔkpoɔ nomɛi. Akɛ nɔkwɛmɔnɔ lɛ, wɔkpɛlɛɛɛ lá ni agbalaa awoɔ mɔ mli lɛ nɔ, ejaakɛ Biblia lɛ fãa wɔ akɛ wɔtsi wɔhe kɛjɛ lá ni baaya gbɔmɔtso lɛ mli lɛ he. (Bɔfoi lɛ Asaji 15:​20) Nakai nɔŋŋ Biblia lɛ teɔ shi ewoɔ helatsamɔi ni wɔŋjamɔ loo mumɔi atsɛmɔ nifeemɔi yɔɔ mli lɛ.​—Galatabii 5:​19-21.

Kɛlɛ, helatsamɔi babaoo yɛ ni eteee shi ewooo Biblia shishitoo mlai. No hewɔ lɛ, taakɛ eji yɛ tsofafeemɔi amli lɛ, eji mɔ aŋkro yiŋkpɛɛ. Odasefonyo ko baakpɛlɛ tsofafeemɔ loo helatsamɔ ko nɔ, kɛlɛ Odasefonyo kroko hu baakpoo nakai tsofafeemɔ lɛ nɔŋŋ.​—Galatabii 6:5.