Ti aki. Mirion ma mirion aomata aika maiu n tienture aika nako, aika tiaki Ana Tia Kakoaua Iehova aika a na kamaiuaki naba. E kabwarabwaraa te Baibara bwa n te aonnaba ae boou are e beritanna te Atua ao “a na boni mangauti akana raoiroi ma akana aki raoiroi.” (Mwakuri 24:15) Irarikin anne, a bati aika maiu ngkai aika tuai ni beku iroun te Atua aika a na karekea naba te kamaiuaki. Ma bon tiaki tabera bairean bwa antai ae e na kamaiuaki ao ae e na aki. Anne bon taben Iesu.​—Ioane 5:​22, 27.