E na onei mwin tautaeka n aomata ni kabane Ana Tautaeka n Uea te Atua ao e na kairiri n te aonnaba ni kabutaa. (Taniera 2:44; Te Kaotioti 16:14) Ngkana e a riki anne, ao Ana Tautaeka n Uea te Atua e nang . . .

•   Kamaunaia aomata aika buakaka aika karuanikaira ni kabane n aia bangaomata. “Ma a na boni koreakinako akana buakaka man te aonnaba.”—Taeka N Rabakau 2:22.

•   Katoki buaka ni kabane. “E katoki buaka ni kabutaa te aonnaba [te Atua].”—Taian Areru 46:9.

•   Karekea te toronibwai ma te mweraoi nakon te aonnaba. “E na maeka n rau temanna ma temanna i buakon ana tawaana ni kureebe ao ni biiku, ao akea temanna ae e na kakamaakuia.”—Mika 4:4, Good News Translation.

•   Onika te aonnaba bwa te bwaretaiti. “Ane a na maiureirei taian rereua, ao a na maiu aaba aika aki karikiuaa ao a nang raure ueeia.”—Itaia 35:1, Contemporary English Version.

•   Karekei aia mwakuri aomata nako ae uaana ma ni kakimwareirei. “Ao a na bati kimwareireia [ana aomata te Atua] aika rineaki n aia mwakuri baia. A na aki korakai ibukin te akea.”—Itaia 65:21-23.

•   Katoki aoraki. “Akea te tia maeka iai ae e na kangai: ‘I aoraki.’”—Itaia 33:24.

•   Kainaomataira man te kara. “E na raoiroi riki irikona nakon arona ngke e roro n rikirake e na okiri ana bong ni kairake ae e bati korakorana iai.”—Iobi 33:25.

•   Kautia maate. “A na bane iai n ongo [bwanaan Iesu] aomata ake a mena i nanon taian ruanimate ao a na otinako.”—Ioane 5:28, 29.