1. Ge mm-mè nú e Bàrì beè kọ̀,

Nyòòmà ge aalá pá A gbò;

O tú miì naanà ból aamá pá Í-zrà-ẹ̀l

Lọl bá gyóòlo e ba beè dì.

Ò náà ní e a bọọ èl boo vó,

Tṍó e o beè lẹ̀ẹ̀là Jíízọ̀s

Domá boo bàlà boo gé aamá gbò nvín nen

E bà í-e zìgà mm̀ olo.

2. Ni-e-í dú deè ge kẽ̀è-a boo

Íb lé e Jíízọ̀s náa nè-i.

Ge ĩ̀ìmà, bíígá ló,

nè nyaaló kèbá ú;

Ge aalá beéle lọl bá ú.

Míí nè fétúlú-á beè tõó dọ̀

Mii nè nom̀ kpáló Jíízọ̀s Kráìst,

E a né boo beele

gè aamá-i lọl bá

Náàkyọ̀ nè ú e beè di kèbá.

 3. È ṍ-à ni zaa e Jìhóvà

Bií ló O Sã́áná Jíízọ̀s Kráìst

Boo béè kọọ̀, O kele

vulè nè O sàn nyíe

Náa kọọ̀ Jíízọ̀s á ú-í boo.

Dénè nú e Bàrì beè zìgà

É ḿḿ-má boo béè miì Jíízọ̀s.

Kpẽ́ didùm dì nè-i beè tú lóó nvee ke kẽè

Gbò tùle e a aa bá Jíízọ̀s.