1. Sìm kilsĩ́, sìm kilsĩ́, mm̀ ge fã̀ Bàrì!

Tú gè vee lé kpẹ̀-a gyààma sĩ́ mm̀ o didùm.

Nó gbò bá e Jíízọ̀s beè kọọmá kpẹ̀-a;

Bàn nvèè bá lọl bá Bàrì.

Pììga boo bé o kpóó tóólá naa.

Nó sĩ́deè ge bã ló kọ̀láá nen.

Tõó mm̀ dùm e a gbááló nú e o kọ́ọ̀,

Bé gbò nen náa gbẹ́ o tóm.

2. Sìm kilsĩ́, sìm kilsĩ́, i-é agẹló!

Kilsĩ́ ló gè vee lé kpẹ̀-a Boǹ Méné Bàrì.

À ólò nè ẹ́ẹ́-ẹẹ̀ nyíè bẹẹ Tẹ̀, Bàrì,

Tṍó e gé vee A Moǹ Bel.

Gbò e nyíé va náa ẹ́ẹ ló bẹẹ tóm,

É láá gbĩ́ gè ọọvẹ bẹẹ zìgà.

Ó gá òò-à kil nvée boo béè síì-à pọ̀.

Noòmà nuù kọ̀láá kà nen.

 3. Sìm kilsĩ́, sìm kilsĩ́, ó gá ọọvẹ ló.

Kilsĩ́ ló gè nó nu,

Kọbé ò láá kọ́ kpẹ̀-a.

Nvèè bá Bàrì é dí ní ló dénè dee.

Sí o tóm mm̀ ẹ́ẹ́-ẹẹ̀ nyíe.

Gbĩ́ kọ̀láá gbò e ba nyíe kil kẽ.

Kilsĩ́ gè noòmà va kà kà bel.

Nvèè bá nè va kọbé bà láá tõo lèlà,

Kọbé ba dùm dọ bélè.