Outkajawaa naainjaka na aküjaliikana pütchi nüchiki Jehová
Anuu sooʼomüin tü pütüjaweekalü aaʼu süchiki tü outkajawaa waainjakat. Püchajaa jalain tü outkajaalee pejekat püpüleerua.
¿Kasache aainjünaka suluʼu tü piichi outkajaaleekat?
Wayakana aküjüliikana pütchi nüchiki Jehová, outkajaʼawaishii waya piantua soʼu semaanaka (Hebreokana 10:24, 25). Eesü süpüla suʼunüin wayuu maʼleekalia sünain tia outkajawaakat. Wekirajaa anainrü tü Bibliakat otta weʼitaain suluʼu wakuwaʼipa tü sümakat.
Eeshii süpüla nayalerüin najapü na jutkatüshiikana otta nasouktüin shiʼipajee tü pütchi nüsakirakalü anain chi wawala ekirajakai. Nnojotpejeʼe apüleeruaanüin naaʼin süpüla nasoutajanain. Süpülapünaa otta sajaʼttajatpa tü outkajawaakat, eeʼirajüna otta oʼuraajüna amüinchi Jehová.
Eesü süpüla sürütkaain wayuu maʼleekalia, jaʼitairü manoujain. Nnojotsü achuntünüin nneerü sünain.
Eesüjaʼa kamalainjeerüle pümüin aashajeʼeraa tüü
OUTKAJAWAA
¿Kasache aainjünaka suluʼu tü Piichi Outkajaaleekat?
Puʼuna sünain tü outkajawaakat piʼreetka sünain shiimain tü ekirajünakat chayaa.