Ñañopytyvõramo jaservi porãvéta Jehovápe

JASERVI porãve hag̃ua Jehovápe ñañopytyvõmbavaʼerã ñande rogapýpe. Jehová ojapórõ guare Adán ha Évape heʼimavaʼekue chupekuéra oñopytyvõ hag̃ua. Péicha jahecha ména ha tembireko oñomoirũ ha oñopytyvõvaʼerãha (Gén. 2:18; Ecl. 4:​9-12). Sy ha túva oñopytyvõvaʼerã avei ifamiliakuérandi oiko hag̃ua hikuái Jehová oipotaháicha hogapýpe.

Jastudiavaʼerã ñane famíliandi

Barry ha Heidi cinco ifamília, ha ohechakuaa hikuái oñopytyvõ rupínte ikatuha ostudia oñondivepa ha péicha oservi porãve Jehovápe. Barry heʼi: “Che ningo ameʼẽ jepi umi mitãme oprepara hag̃ua michĩmimi umi mbaʼe rostudiátava oñondivepa. Pór ehémplo, ajerure chupekuéra oñeʼẽ hag̃ua mbykymi peteĩ ¡Despertad! heʼívare. Ha roñensaja avei hendivekuéra oikuaa hag̃ua mbaʼéichapa opredikáta”. Heidi katu heʼi: “Káda uno roreko peteĩ lísta romoĩha mbaʼépa rohupytyse Jehová servísiope. Ha pyʼỹinte rorrevisa rostudia jave roikuaa hag̃ua mbaʼéichapa roho hese”. Barry ha Heidi ohechakuaa avei mbaʼeichaitépa oipytyvõ ifamíliape omoĩramo mbaʼe díapa ndohechamoʼãi hikuái téle, ha upéicha olee hag̃ua oñondivepa la Biblia.

Aníkena jafalta rreunionhápe

Mike ha Denise omongakuaavaʼekue cuatro ifamília. Ha mbaʼépa ohupyty hikuái oñopytyvõmba haguére? Mike heʼi: “Heta hendáicha roñehaʼã rog̃uahẽ órape rreunionhápe, péro rohechakuaa roñopytyvõmbáramo añoite ikatuha rojapo”. Denise heʼi: “Ore família michĩmbápe, romeʼẽmivaʼerã káda únope hembiaporã. Pór ehémplo, chemembykuña Kim okosina ha omoĩ mesa”. Ha Michael imanduʼa: “Káda martes ógape oikovaʼekue rreunión. Upearã romopotĩmbámi ore róga ha romoĩmba umi sílla oñekotevẽtava”. Matthew katu heʼi: “Che ru ningo akóinte oúva órape itravahohágui rreunión díape ha orepytyvõ rojepreparapa hag̃ua órape”. Mbaʼépa ohupyty ko família ojapo haguére upéicha?

Heta mbaʼe porã ohupyty hikuái

Mike heʼi: “Denise ndive romoñepyrũvaʼekue ore prekursorádo 1987-pe. Upérõ mbohapy ore família oiko gueteri orendive ógape. Mokõigui oiko avei prekursór, ha umi ótro katu ombaʼapo construcción de Betélpe. Avei oñondivepa roipytyvõma cuaréntape oñemeʼẽ hag̃ua Jehovápe ha ojevautisa. Upéva ningo orembovyʼaiterei. Rombaʼapomavaʼekue avei oñondivepa construcciónpe tetã ambuére jepe”.

Añetehápe ningo hetaiterei mbaʼe porã jahupytýta ñañopytyvõmbáramo. Pepensamína avei mbaʼéichapa ikatu pejapo pene família ndive upéva. Kyreʼỹme pejapóramo opa mbaʼe pende rogapýpe penepytyvõta peservi porãve hag̃ua Jehovápe.

[Nóta oĩva taʼanga ndive páhina 28]

Ñañensajáramo ñane família ndive opredika porãvéta hikuái