Si. Ñandejára voi oipota ñañembyaty jaadora hag̃ua chupe. La Biblia heʼi: “Ñañeinteresákena ojuehe ñande pyʼaite guive, ha ñañomokyreʼỹ japorohayhu hag̃ua ha jajapo hag̃ua iporãva. Oĩramo jepe ojepokuaáva ofalta meme rreunionhápe, ani ñande jaiko jafalta, síno ñañomokyreʼỹ vaʼerã” (Hebreos 10:24, 25).

 Jesús heʼi vaʼekue avei: “Peẽ pejoayhúramo, entéro umi hénte oikuaáta peẽ haʼeha che disípulo” (Juan 13:35). Ikatu hag̃uáicha Jesús disipulokuéra ohechauka ojoayhuha, tekotevẽ oadora Ñandejárape oñondivepa ha ojeheʼa vaʼerã ojuehe. Haʼekuéra oñeorganisa vaʼerã kongregasiónpe ha oñembyaty meme vaʼerã omombaʼeguasu hag̃ua Ñandejárape (1 Corintios 16:19). Péicha ohechauka hikuái ohayhuha “enterove ermanokuéra oĩvape ko múndope” (1 Pedro 2:17).

¿Ñapertenesénte vaʼerãpa peteĩ rrelihiónpe, térãpa jajapove vaʼerã ótra kósa?

 La Biblia ohechauka ñañembyaty vaʼerãha jaadora hag̃ua Ñandejárape. Péro moõvete ndajatopái heʼiha Ñandejára ñandeguerohorytamaha ñaime haguérente peteĩ rrelihiónpe. Ñakonsegi hag̃ua upéva tekotevẽ jajapo káda día umi mbaʼe ñaaprendéva. Upévare la Biblia heʼi voi: “Pe rrelihión ipotĩva ha ndaikyʼáiva ñande Ru Ñandejára renondépe haʼe hína kóva: ñañangareko umi viúdare ha umi ityreʼỹvare ohasa asy jave, ha ñañatende meme ani hag̃ua ko múndo ñanemongyʼa” (Santiago 1:27, nóta).