To ojlẹ awusinyẹn tọn he mẹ whẹndo lẹ po alọwle lẹ po to pipehẹ nuhahun susu te ehelẹ mẹ, be e yọnbasi dọ whẹndo de ni tindo ayajẹ ya? Ehe ma yin whẹho vlẹkẹsẹ de. Amọ́, alọgọ de tin-to-aimẹ. Dile etlẹ yindọ alọnuwe ehe ma bẹ ayinamẹ gigọ́ hẹn gando alọwle go, e zinnudo nunọwhinnusẹ́n dolido Biblu tọn po ayinamẹ yọ́n-na-yizan delẹ po ji. Eyin mì yí ayinamẹ he tin to alọnuwe ehe mẹ lẹ zan ganji, enẹ na yidogọna ayajẹ whẹndo mìtọn tọn.