WAƘA TA 113
Salamar da Muke Morewa
(Yohanna 14:27)
-
1. Ya Maɗaukaki Allah,
Uban salama.
Muna miƙa ma yabo
Don ayyukanka.
Ɗanka shi ne Sarkinmu,
Sarkin Salama.
Zai cire yaƙe-yaƙe
A duniyar nan.
-
2. Ba ma yin zage-zage,
Ba ma masifa.
Mun mai da takubbanmu,
Zuwa garmuna.
Mu riƙa gafarta wa
Dukan mutane.
Mu yi zaman lafiya
Kamar Sarkinmu.
-
3. Allah ne ke sa mu yi
Zaman lumana.
Muna bin dokokinsa
A kullayaumi.
Mu bar mutane su san
Mu Shaidunsa ne,
Har sai Allah ya kawo
Salama sosai.
(Ka kuma duba Zab. 46:9; Isha. 2:4; Yaƙ. 3:17, 18.)