Ana tsara yadda hanyar shiga sabon ofisoshin hidima za ta kasance. Ana gyara hanyar da mutane za su rika bi a hannu hagu don kada santsi ya kwashe su a lokacin sanyi. Akwai Ofishin hidima da Ofishin Kwamitin da ke kula da kasar da kuma Sashen Hidima a wannan ginin.

Wani da ke aiki a Sashen Tsara Dakuna yana amfani da wani inji da ke gyara daben ginin. Kuma akwai wani abu da ke rage kura a jikin injin din.

Idan ka shigo za ka ga wurin da baki suke bi da kuma masu hidima fiye da 200 a Bethel da suke Gidan Zama na E. A wannan gyaran da aka yi, an saka wundo da zai sa a rage yawan amfani da wutar lantarki. Ban da haka ma, an saka wani abu da zai nuna idan gobara tana so ta tashi.

Wani mai gyaran wuta yana saka wayoyin tarho a sabon gini inda za a rika horar da mutane game da fasaha. An tsara wannan ginin don a koyar da mutanen da suke aikin famfo da wutar lantarki da kuma aikin tsaro.

Wata mai gyaran wuta tana saka wani irin kwan da ke rage yawan amfani da wuta a Sashen Fasaha.

Wata mai aikin wuta tana gwada wuraren da za a saka wuta. An gyara wurin nan don ya zama ofisoshin wadanda suka kauro daga Brooklyn.

Wani mai aikin famfo yana gyara abubuwa kamar bututun da za su taimaka wajen ba da ruwan zafi.

Wasu masu aiki a Sashen Tsara Gine-Gine sun hau lif suna saka abin da zai sa wundon ya zauna da kyau. Irin wadannan wundodi guda 298 da muke da su a wannan ginin suna taimaka wa wajen rage yawan kudin da ake kashewa a lokacin zafi da kuma lokacin sanyin.

Masu gini suna amfani da duwatsu don su gyara irin bangon da ake da shi tun daga shekara ta 1970 da wani abu a wurin da ake faka motoci tsakanin Ofisoshin Hidima da Gidan Zama na E.

Wani yana goge bango kafin a yi fenti. A wannan ginin ana da ofisoshin Lissafin kudi da sashen Kwamfuta da kuma sashen Saye-saye.

Wani mai gyaran wuta yana jan waya zuwa rufin gidan. Wannan wayar za ta taimaka sa’ad da ake tsawa don kada ta yi barna a ginin.

A lokacin da ake fadada ginin Wallkill, an mai da hankali sosai don kada a bata mahallin da ke wurin har da itatuwan da muke gani a wannan hoton. Wannan tankin ruwa da ke hagu yana iya rike ruwa lita 150,000. Kuma wurin ne ainihi ake samun ruwa a Wallkill da kuma ruwan da za a iya kashe gobara da shi.

Wani kafinta yana saka wasu bulo na katako 1,800 don ya zama bangon babban dakin taro. Wadannan bulon dabam-dabam ne kuma yana taimaka wa wajen hana jin kara a dakin.

Dan’uwa Charles Reed ya soma hidima a Bethel tun shekara ta 1958. Ya taimaka wajen zana da kuma saka wasu abubuwa da suke taimaka wajen buga littattafai a lokacin da Bethel da ke Brooklyn take buga wa Amirka da wasu kasashe littattafai. A lokacin da ake aikin fadada Wallkill, Dan’uwa Reed ya yi aiki da wadanda suke bincika kyaun ginin.

’Yan’uwa suna saukar da kujerun da za a yi amfani da su a babban dakin taro. Wannan dakin taron zai dauki mutane 812.

Gyaran wannan dakin taron ya kunshi saka su telibijin da wasu irin silin.

Ana gyara wurin da nas nas za su rika aiki a asibiti. Ana fadada wuraren da za a rika jinya da kuma gidajen wanka.

Hoton ginin Wallkill ke nan da masu hidima a Bethel guda 2,000 suke zama. An fadada wurin nan da ke da fadin mita 102,000 kuma akwai sabbin gine-gine a wurin ko kuma wuraren da aka gyara. An kammala wannan ginin a ranar 30 ga Nuwamba, 2015.