ABRIL 1, 2024
RUSSIA

‘Indi Gid Mag-untat sa Pag-alagad’

I-PLAY

Sa indi madugay, ipahibalo sang Nikolaevsk-on-Amur City Court of the Khabarovsk Territory ang desisyon sini sa kaso nanday Brother Igor Kletkin, Brother Nikolay Kononenko, kag Sister Nadezhda Korobochko. Wala pa sang ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Ila

Igor Kletkin

Natawo: 1961 (Nikolaevsk-on-Amur)

Biograpiya: Nag-obra sia bilang chauffeur

Pagkatapos sang isa ka aksidente nga nagresulta sa pagka-paralyze sang iya nanay, nagpalibog si Igor kon ngaa nagakatabo ini nga mga butang. Nalipay gid sia sang nasabat ang iya mga pamangkot gamit ang Biblia. Nabawtismuhan sia bilang isa sa mga Saksi ni Jehova sang 1999

Ang Iya Ginsiling

Ano ang nakabulig sa imo nga mangin positibo bisan pa sang mabudlay nga sitwasyon?

Bisan pa mabudlay gid sang ginhingabot ako, wala nadula ang akon pagtuo kay Jehova. Para sa akon, bahin ini sang akon pag-alagad sa iya. Ginadumdom ko pirme ang ginsiling ni Jesus sa Juan 15:20: “Kon ginhingabot nila ako, hingabuton man nila kamo.” Indi gid ako mag-untat sa pag-alagad. Mangin mainunungon gid ako kay Jehova, kay Jesus, kag sa mga kauturan. Determinado gid ako nga mangin maayo nga halimbawa sa iban.

Nadezhda Korobochko

Natawo: 1943 (Shakhty, Rostov Region)

Biograpiya: Nag-obra sia bilang accountant. May apat sia ka bata

Ginbasa niya ang Biblia pero nabudlayan sia nga intiendihon ini. Nagpa-Bible study sia upod sa mga Saksi ni Jehova. Nalipay sia sang nakilala niya ang Dios kag sang natun-an niya ang iya mga kinaiya. Nabawtismuhan sia sang 1996

Ang Iya Ginsiling

Ano ang natun-an mo parte kay Jehova sa sining mabudlay nga eksperiensia?

Ini nga eksperiensia nagtudlo sa akon nga wala lang nakita ni Jehova kon ano ang nagakatabo pero kabalo man sia kon ano ang akon nabatyagan. Dayon, ginahatagan niya ako sang bulig nga kinahanglan ko. Kon nabudlayan ako magpokus kag nagakabalaka, ginahatagan ako ni Jehova sang kalinong. Kag ginabuligan niya ako nga madumduman ang mga teksto sa Biblia nga kinahanglan ko sa sina nga tion. Kon daku ang kabudlayan, mas nabatyagan ko ang espiritu ni Jehova kag mas nagabakod ang akon pagsalig sa iya.

Nagapasalamat kita kay Jehova sa gugma kag bulig nga ginahatag niya sa tanan nga nagasalig sa iya kag nagasiling: “Ikaw ang akon Dios.”—Salmo 31:14.

Time Line

Oktubre 11, 2021

Gin-raid ang balay ni Igor kag Nadezhda. Ginbutang si Igor sa temporary detention center
Oktubre 12, 2021

Gin-interogar si Nadezhda
Oktubre 13, 2021

Ginpagua si Igor sa temporary detention
Oktubre 14, 2021

Ginbutangan sang restriksion ang pagbiyahe ni Igor kag Nadezhda
Septiembre 27, 2022

Ginbutangan sang restriksion ang pagbiyahe ni Nikolay
Enero 16, 2023

Ginsugdan ang hearing

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE