Wala. Ang amon organisasyon wala nagausisa sang mga pelikula, libro, ukon mga kanta para mahibaluan kon ano ang dapat likawan sang mga miembro. Ngaa?

Ginapalig-on sang Biblia ang kada isa nga hanason ang iya “ikasarang sa paghantop” para makilala ang maayo kag malain.—Hebreo 5:14.

Ang Kasulatan may mga prinsipio nga puede binagbinagon sang isa ka Cristiano kon nagapili sang kalingawan. a Sa tanan nga bahin sang kabuhi, gusto gid naton nga ‘padayon nga pat-uron kon ano ang kalahamut-an sa Ginuo.’​—Efeso 5:10.

Ginatudlo sang Biblia nga ang mga ulo sang pamilya amo ang may awtoridad, gani sila ang magadesisyon kon ano nga mga kalingawan ang indi puede sa ila pamilya. (1 Corinto 11:3; Efeso 6:1-4) Pero sa mga miembro sang kongregasyon, wala sing may awtoridad nga magdumili sang pila ka pelikula, kanta, ukon mga artist.​—Galacia 6:5.