May pila ka feature ang JW Library para mangin komportable ka sa pagbasa. Makita ini sa app bar sa ibabaw sang screen kon nagabasa ka sang kapitulo ukon artikulo.

Sunda ang masunod nga mga instruksion para mangin komportable ang imo pagbasa:

•  Pag-ilis sang Lenguahe

•  Pagpagamay Ukon Pagpadaku sang mga Letra

•  Pagbukas sa Image Ukon Text View

•  Open in . . .

•  Pag-customize sang mga Biblia

Puede mo maislan ang lenguahe sang kapitulo ukon artikulo nga imo ginabasa.

• I-tap ang Languages button para makita mo ang tanan nga lenguahe sang imo ginabasa. Ang mga lenguahe nga pirme mo ginagamit makita sa pinakaibabaw. Puede mo man ma-type ang lenguahe nga ginapangita mo.

• Ang mga lenguahe nga wala mo pa ma-download may cloud nga icon. I-tap ang lenguahe para ma-download ang publikasyon. Kon na-download mo na ang publikasyon, madula na ang cloud nga icon. I-tap liwat ang lenguahe para mabasa mo ini.

Ma-adjust mo ang kadakuon sang letra para mangin komportable ang imo pagbasa.

Ang pila ka artikulo puede mabuksan subong image ukon text. Kon gusto mo ini baylubayluhon, i-tap ang button.

• View Image: Ang image view pareho gid sa naimprinta nga publikasyon. Mas gusto ini sang iban, kay pareho sang songbook, makita nila ang mga nota.

• View Text: Ang text view may link sang mga teksto nga puede i-tap kag ma-adjust ang kadakuon sang mga letra.

Sa Open in . . . nga feature mabuksan mo ang unod sang JW Library sa iban nga app.

Kon i-tap mo ang teksto sa publikasyon, magua ang mga bersikulo. I-tap ang Customize button sa ubos para makapili ka kon diin sa mga gin-download mo nga Biblia ang gusto mo makita.

Tan-awa ang “Pag-download kag Paggamit sang Biblia​—sa Android” para matun-an mo kon paano maka-download sang dugang nga Biblia sa JW Library.