Ngaa May Madamo nga Sekta sang mga Cristiano?
Ang sabat sang Biblia
Ang mga tawo nagporma sing lainlain nga “Cristiano” nga mga sekta base sa mga panudlo ni Jesucristo. Pero ginapakita sang Biblia nga isa lang ang matuod nga porma sang Cristianismo. Hibalua ang tatlo ka rason kon ngaa.
Si Jesus nagsiling nga gintudlo niya “ang kamatuoran,” kag gintawag sang mga Cristiano sang una ang ila relihion nga “kamatuoran.” (Juan 8:32; 2 Pedro 2:2; 2 Juan 4; 3 Juan 3) Ginapakita sini nga indi matuod nga porma sang Cristianismo ang pagsimba sang nagasuporta sa mga doktrina nga supak sa panudlo ni Jesus.
Ginatudlo sang Biblia nga ang mga Cristiano dapat ‘maghilisugot sa ila ginahambal.’ (1 Corinto 1:10) Pero madamo nga sekta sang mga Cristiano ang wala nagaugyunay bisan sa simple nga mga panudlo. Halimbawa, lainlain ang ila ginatudlo kon paano mapakita sang isa nga Cristiano sia. Indi puede nga insakto tanan ini nga mga sekta.—1 Pedro 2:21.
Si Jesus nagtagna nga madamo ang magahambal nga Cristiano sila pero wala nila ginatuman ang iya mga sugo, kag indi niya sila pagbatunon. (Mateo 7:21-23; Lucas 6:46) Ang iban nga tawo magatalang bangod ginpatiko sang mga lider sang relihion ang matuod nga pagsimba para sa ila personal nga interes. (Mateo 7:15) Pero mas gusto sang iban ang indi matuod nga Cristianismo bangod ginatudlo sini ang gusto nila mabatian imbes nga ang kamatuoran halin sa Biblia.—2 Timoteo 4:3, 4.
Sa iya ilustrasyon ukon paanggid parte sa trigo kag hilamon, gintagna ni Jesus ang grabe nga pagrebelde (apostasya) kontra sa matuod nga Cristianismo. (Mateo 13:24-30, 36-43) Sa sulod sang malawig nga panahon, indi makilala kon sin-o ang matuod nga mga Cristiano kag kon sin-o ang butig nga mga Cristiano. Pareho sang gintagna ni Jesus, nagbaskog ang apostasya sang napatay ang mga apostoles. (Binuhatan 20:29, 30) Bisan pa indi pareho ang ginatudlo sang mga apostata, ining tanan nga porma sang indi matuod nga Cristianismo “nagsipak sa kamatuoran.”—2 Timoteo 2:18.
Si Jesus nagtagna man nga magaathag sa ulihi ang kinalain sang matuod kag butig nga Cristianismo. Natabo ini sa aton panahon, sa tion sang “hingapusan sang sistema sang mga butang.”—Mateo 13:30, 39.
Basi Manamian Ka Man
MGA PIRME GINAPAMANGKOT
Mga Cristiano Bala ang Mga Saksi ni Jehova?
Palihug binagbinaga kon paano kami nangin tuhay sa mga relihion nga ginatawag man Cristiano.
IMPORTANTE NGA MGA PANUDLO SANG BIBLIA
Ginabaton Bala sang Dios ang Tanan nga Pagsimba?
Madamo ang nagapati nga indi importante kon ano man ang imo relihion.
SABAT SA MGA PAMANGKOT SA BIBLIA
Ano ang Espirituwalidad? Puede Bala Ako Mangin Espirituwal nga Tawo Bisan Wala Ako sing Relihion?
Hibalua ang tatlo ka puede mo himuon para mangin mabakod ang imo espirituwalidad, kag ang apat ka sala nga pagpati parte sa sini.
IBAN PA NGA TOPIKO
Isa Lang Bala ka Negosyo ang Relihion?
Ang kalabanan sa nagasimba sa pila ka simbahan mga pigado, pero ang ila mga lider puerte ka manggaranon.
MGA PIRME GINAPAMANGKOT
Nagapati Bala ang mga Saksi ni Jehova nga Sila Lang ang Matuod nga Relihion?
Nagsiling bala si Jesus nga madamo ang dalan padulong sa kaluwasan?
PARTE SA AMON
Mag-attend sa Miting
Hibalua ang ginahimo sa amon mga miting. Mangita sing lokasyon sang miting nga malapit sa imo.