Ntaus Phoojywg Nrog Tus Tswv Tsim
Txawm peb pom tsis tau tus tsim peb los peb paub tias nws muaj tej cwj pwm zoo. Nws xav kom peb los paub nws thiab nrog nws sib raug zoo. (Yauhas 17:3; Yakaunpaus 4:8) Twb yog li ntawd, nws thiaj qhia ntau yam txog nws tus kheej rau peb.
Tus Tsim Peb Muaj Ib Lub Npe
‛Thov ua kom lawv paub tias koj tib leeg xwb uas npe hu ua Yehauvas thiaj yog tus Vajtswv Loj Dua Ntais.’—PHAU NTAWV NKAUJ 83:18, TT.
Phau Vajlugkub qhia tias Yehauvas tib leeg xwb thiaj yog tus tseem Vajtswv. Nws yog tus tsim ib puas tsav yam hauv lub qab ntuj khwb no. Yog li, tsim nyog tibneeg teev tiam nws ib leeg xwb.—Tshwmsim 4:11.
Yehauvas Muaj Kev Hlub Heev
“Vajtswv yog txojkev hlub.”—1 YAUHAS 4:8, TT.
Peb yeej kawm tau ntau yam txog Yehauvas tus cwj pwm los ntawm tej uas nws tau tsim thiab los ntawm phau Vajlugkub. Ib tug cwj pwm loj dua ntais uas Yehauvas muaj yog txojkev hlub. Txhua yam uas Yehauvas ua yog ncau los ntawm txojkev hlub. Yog peb yim paub nws peb yim hlub nws ntxiv xwb.
Yehauvas Muaj Kev Zam Xeeb
“Koj yog tus Vajtswv uas muaj kev zam txim.”—NEHEMIS 9:17.
Yehauvas paub tias peb yog neeg txhaum ces peb yeej yuav ua yuam kev. Yog li, nws thiaj “muaj kev zam txim.” Yog tias peb tu siab rau tej kev txhaum uas peb tau ua, thiab tso tej kev phem ntawd tseg ces nws yeej yuav zam txim rau peb.—Phau Ntawv Nkauj 103:12, 13.
Yehauvas Xav Kom Peb Thov Nws
‛Yehauvas nyob ze txhua tus uas thov nws . . . Nws hnov lawv tej suab thov.’ —PHAU NTAWV NKAUJ 145:18, 19.
Yehauvas tsis tau kom peb muab khoom ub khoom no coj los thov nws. Yog peb thov txog nws lawm, nws yeej yuav mloog peb ib yam li ib leej niam leej txiv uas ua tib zoo mloog lawv tej menyuam.
Tej Yam No Yuav Pab Tau Koj Thiab
LUS NUG THIAB LUS TEB TXOG PHAU VAJLUGKUB
Leej Twg Yog Yehauvas?
Yehauvas puas yog haiv neeg Ixayees tus Vajtswv nkaus xwb?
