Txawj Sib Hlub
Vim Li Cas Tibneeg Xaiv Ntsej Muag?
Yeej tsis yoojyim kom peb tsis txhob ua neeg xaiv ntsej xaiv muag. Zoo tib yam li thaum tibneeg muaj mob, yeej siv sijhawm kho thiaj zoo. Kev xaiv ntsej xaiv muag los yuav siv sijhawm tib yam nkaus. Koj yuav ua li cas thiaj tshem tau txojkev xaiv ntsej xaiv muag tawm hauv koj nruab siab?
Vajlugkub Tej Hauv Paus Ntsiab Lus
“Nej ib tug yuav tsum hlub ib tug tiag tiag. Yog nej ua li no, nej thiaj yuav nyob taus ua ke.”—KAULAUXAIS 3:14.
Nqi no qhia tias yog peb coj zoo, yuav rub tau sawvdaws los nyob sib koom siab ua ke. Yog peb txawj sib hlub sib pab ces txojkev xaiv ntsej xaiv muag yuav haim zuj zus mus thiab peb yuav tsis thuam lwm leej lwm tus ntxiv lawm.
Koj Ua Tau Li No
Ua tib zoo xav seb koj yuav ua li cas thiaj txawj hlub thiab pab lwm haiv tibneeg. Koj tsis tas yuav ua ntau tsav ntau yam. Cia li sim ua ib lossis ob qho li hais no:
Yog peb txawj sib hlub sib pab ces peb yuav tsis xaiv ntsej xaiv muag
Coj cwjpwm zoo. Xws li, cia lwm tus mus ua ntej lossis muab koj lub tog rau lwm tus zaum.
Txawm lawv txuas tsis tau lus nrog koj los sim nrog lawv tham.
Thaum lawv ua tej yam koj tsis paub los ua siab ntev.
Ua tib zoo mloog thaum lawv piav txog lawv tej teeb meem.
Tej Yam No Yuav Pab Tau Koj Thiab
TSIM DHEEV!
Muaj Kev Sib Haum Xeeb
Peb yuav tsum coj li cas peb thiaj yuav nyob sib haum xeeb nrog lwm tus?
