Dab Ntxwg Nyoog muaj lub cev plig, nws thiaj nyob ib qho chaw uas peb ntsia tsis pom. Qhov chaw ntawd tsis yog ntuj tawg uas muaj kev tsim txom cov neeg phem li daim duab peb pom saud.

“Ua rog saum ntuj”

 Ua ntej no, Xatas uas yog dab Ntxwg Nyoog yeej ncig mus ncig los tau saum ntuj ceeb tsheej, nws kuj nrog cov tub txib saum ntuj mus cuag Vajtswv thiab. (Yauj 1:6) Tiam sis phau Vajlugkub twb hais ua ntej lawm tias yuav muaj kev “ua rog saum ntuj,” Xatas yuav tsis tau nyob saum ntuj thiab nws yuav “raug pov rau hauv ntiajteb.” (Tshwmsim 12:7-9) Thaum peb muab tej xwm txheej hauv phau Vajlugkub piv rau niaj hnub niam no, peb pom tias ntsuj rog saum ntuj twb muaj tshwm sim lawm. Nim no dab Ntxwg Nyoog tsuas nyob tau hauv ntiaj teb lawm xwb.

 Ua li, dab Ntxwg Nyoog nyob rooj teb twg? Yav thaum ub, ib txhia ntseeg tias lub nroog Penkamus yog qhov chaw uas “muaj Xatas lub zwm txwv” thiab yog “Xatas qhov chaw nyob.” (Tshwmsim 2:13) Tiam sis cov lus no tsuas hais txog cov neeg hauv lub nroog ntawd uas nyiam teev tiam tej dab mlom thiab ua phem ua qias vuab tsuab zoo li Xatas xwb. Phau Vajlugkub hais tias dab Ntxwg Nyoog yog “tus kav tag nrho tej teb chaws hauv qab ntuj no.” Nws nyob tsis muaj chaw hauv ntiaj teb thiab mus tsis tau saum ntuj ceeb tsheej.​—Lukas 4:5, 6.