Բետոն թափողները կաղապարամած են պատրաստում 1-ին, 5-րդ և 7-րդ շենքերը իրար միացնող անցումի համար։

Նախքան նախագիծը կյանքի կոչելը արհեստավորները ուսումնասիրում են նախագծման/շինարարության տարածաշրջանային (Ասիա/խաղաղօվկիանոսյան երկրներ) բաժնի կողմից պատրաստված գծագրերը։ 2016 թ. մարտին այդ բաժինը Ավստրալիայից տեղափոխվեց Ֆիլիպինների մասնաճյուղ։

Էքսկավատորը քանդում է բետոնե ճանապարհը, որպեսզի այնտեղ խրամուղիներ փորվեն։ Այդ խրամուղիներում կանցկացվեն սառեցված ջրի նոր խողովակներ կենտրոնացված օդափոխման համակարգի համար։

Միացյալ Նահանգներից եկած ամուսնական զույգը պատրաստվում է անցումի համար բազրիքներ զոդել։

Աշխատողները թաղում են 4-րդ և 5-րդ շենքերի միջև անցնող սառեցված ջրի խողովակները։

Արհեստավորը պատուհանագոգ տեղադրելիս օգտագործում է դակիչ-ատրճանակ։

Աշխատողը կպցնում է գորգի սալիկները։ 5-րդ շենքի երկրորդ հարկը, որտեղ հիմնականում ձայնագրման/տեսագրման բաժինն է, աղմուկը նվազեցնելու նպատակով ամբողջությամբ ծածկել են գորգով։

Ներկարարները ջերմամեկուսիչ ներկ են քսում գրասենյակային շենքի արտաքին պատերին։ Այս ներկը անդրադարձնում է արևի ճառագայթները, ինչի շնորհիվ շենքի ներսում պահպանվում է զով ջերմաստիճանը, և նվազում են էլեկտրաէներգիայի ծախսերը։

Բետոն թափողը հանում է ցանկապատ կառուցելու համար տեղադրված կաղապարամածը։ Երկհարկանի 4-րդ շենքում բնակվում են աստվածաշնչյան տարբեր դպրոցներում սովորող ուսանողները։

Ջեռուցման, օդափոխության և օդորակման թիմի անդամներից մեկը մեկուսացնում է սառեցված ջրի խողովակները։ Մեկուսացման շնորհիվ ավելի արդյունավետ է դառնում սառեցված ջրի համակարգի աշխատանքը, և նվազում է կոնդենսատի գոյացումը։

Ավստրալիայից եկած մասնագետը էլեկտրական վահանակում ստուգում է ավտոմատ անջատիչներից մեկը։ 100-ից ավելի հմուտ վարպետներ էին այլ երկրներից հրավիրվել Ֆիլիպիններ՝ աջակցելու համար վերանորոգման աշխատանքներին։