JW Library հավելվածում նախատեսված են մի շարք հնարավորություններ ձեր ընթերցանությունը ավելի արդյունավետ դարձնելու համար։ Այս ֆունկցիաները գտնվում են հավելվածի վահանակում էկրանի վերևում, երբ կարդում եք ինչ–որ գլուխ կամ հոդված։

Հետևելով այստեղ տրված ցուցումներին՝ կարող եք՝

•  Փոխել լեզուն

•  Փոխել տեքստի կարգավորումները

•  Դիտել պատկերը կամ տեքստը

•  Բացել հետևյալ տեղում՝

•  Կարգավորել Աստվածաշնչերը

Կարող եք փոխել այն գլխի կամ հոդվածի լեզուն, որն ընթերցում եք։

• Սեղմեք Լեզուներ կոճակը տեսնելու համար բոլոր լեզուները, որոնցով առկա է տվյալ հրատարակությունը։ Այն լեզուները, որոնցից առավել հաճախ եք օգտվում, կլինեն ցուցակի վերևում։ Այստեղ կերևան նաև «Դիտարանի» պարզեցված թողարկումները։ Դուք նաև կարող եք փնտրել լեզուն՝ տպելով այն։

• Այն լեզուների մոտ, որոնք ներբեռնված չեն, կլինի ամպի նշան։ Սեղմեք լեզուն հրատարակությունը բեռնելու համար։ Երբ հրատարակությունը բեռնվի, ամպի նշանը կանհետանա։ Նորից սեղմեք լեզուն հոդվածը կարդալու համար։

Կարող եք ընտրել ձեզ հարմար տառաչափը։

Որոշ հոդվածներ հնարավոր է դիտել և՛ պատկերային, և՛ տեքստային տեսքով։ Սեղմեք համապատասխան կոճակը մի տեսքից մյուսին անցնելու համար։

• Դիտել պատկերը։ Պատկերային տեսքը ցույց է տալիս էջը այնպես, ինչպես որ այն տպված է։ Ոմանք նախընտրում են այս տեսքով դիտել, օրինակ՝ երգարանը, քանի որ երևում են նաև նոտաները։

• Դիտել տեքստը։ Տեքստային տեսքի դեպքում աստվածաշնչյան համարները հղումներ են։ Դրանց վրա սեղմելով՝ կտեսնեք մեջբերումը՝ ձեր ընտրած տառաչափով։

Բացել հետևյալ տեղում՝ ֆունկցիան թույլ է տալիս դիտել ընթացիկ էջը այլ հավելվածներում։

Աստվածաշնչյան համարը հնարավոր է միաժամանակ բացել Աստվածաշնչի տարբեր թարգմանություններում։ Սեղմեք Կարգավորել կոճակը ընտրելու համար, թե ձեր բեռնած Աստվածաշնչերից որոնք եք ուզում ընդգրկել ցուցակի մեջ։

Տեսեք «Բեռնել և օգտագործել Աստվածաշնչերը​—Android» իմանալու համար, թե ինչպես ավելացնել Աստվածաշնչեր JW Library–ում։