Au, bisi. Iya ke bendar, bala antu nya bala “melikat” ke bedosa, laban sida ngelaban Petara. (2 Peter 2:4) Melikat keterubah ke nyadi melikat ti jai, iya nya Antu Sitan. Dalam Bup Kudus, iya dikumbai “raja antu.”—Matthew 12:24, 26.

Pengawa ngelaban maya jeman Noah

 Bup Kudus bisi nulis pasal pengawa ngelaban bala melikat ke nyadi maya jeman Noah, iya nya maya Bah Besai nyadi. ‘Sekeda anak Petara meda sida indu nya bajik gamal. Nya alai sida lalu jadi enggau indu ke dikerinduka sida.’ (Pemungkal 6:2) Bala melikat ke jai tu, ‘ninggalka alai sida diau’ ba serega, lalu nukar tubuh sida nyadi mensia, ngambika sida ulih jadi enggau indu mensia.—Jude 6.

 Maya Bah Besai nyadi, semua melikat ke jai tu nukar tubuh sida nyadi melikat baru, lalu niki ke serega. Tang, Petara enda nerima lalu muru sida ari serega. Sebagi ari ukum ke patut diterima sida ketegal sida ngelaban Petara, sida enda ulih nukar tubuh diri nyadi mensia agi.—Epesus 6:11, 12.