‘Kpa Ẹrụ Ọnyịịla Pyẹ’!
Ọjịra-jịra Ọtụka nya Alibeenu nya IJihova nya 2024
Uri ọnwụnwụ-ụ́ juwa ka • Okpoko ọdada-á juwa ka
Ẹla Ịlẹpwụ nya IProgram
ỊFụrayịdee: Kụ ẹhị yẹ ang ẹjẹẹ ọlẹ kọ mẹjẹ nyori oja ọnyịịla ịlẹ kị da juwa a-apwụ nya Ẹrụ Ọnyịịla u-uhye nya iJisọsị ri ẹla ịlẹ kị họ ọ-ọhịhị nyamwụ ịnyịlẹhị. Yẹ jaabwọ ká oja ịla ịBayịbụụ ịwẹ ka juhi apyobwuna alẹ.
ỊSatudee: Ọmwụ iyina ị tị́ yẹ neeji u-uhye nya ọmama nya iJisọsị bala ụka nya onjwo nyamwụ? Ọmwụ ọyẹyẹ ị-ịwa họ jịra ịnyịlẹhị?
ỊSọndị: Ẹ-ẹpwụ nya ẹla oyaya ọ-bwu ịBayịbụụ ọlẹ ko ri, “Ang Odudu Kahị Kaa Juhi nya Oja Ọtịpyọ ka,” jẹ́ ang odudu ká uku nya angịnyị alẹ jẹ́ la ọhụ obeji bala ahị ọdahile nanana nyori iwe-ahụrụ nya odehe wẹẹ tịpyọ gụ olene.
ỊDịrama o-Bwu ỊBayịbụụ
Ẹrụ Ọnyịịla nya IJisọsị: Ụpa 1
Ahịgboo Nyịlẹhị nya Odehe
Ọmama nya iJisọsị ri ọhọhẹ nya ang ịlẹbyẹbyị ịlẹ kị họ ụka nya onjwo nyamwụ. Adịrahụ ọlọkwọ ọhẹ tịtọ nyọka nwọọ, chajị nya ọọwa adamwụ bala ịnamwụ kpọọ rụ ka Ijipiti. Ụka kọ nwà chẹẹ, ọ họ ẹla ọlẹ kọ la angịmẹjẹ ịlụka nyamwụ ẹbyẹbyị myịmyị. Yẹ oja ịwẹ bala ịkịla ẹ-ẹpwụ nya apa imiiye nya ịdịrama ịlẹ kị wẹẹ ka mẹjẹ ẹnụ nya ịFụrayịdee bala ịSatudee.
Yẹ ifim ịlẹ u-uhye nya ọjịra-jịra nya ẹka ọlẹ
Ányị Ọjịra-jịra Ọtụka Nyahị a Tị́ kaa La?
Yẹ ang ọlẹ ká ka yahị guru gbe ọọjịra-jịra ọtụka nya Alibeenu nya iJihova.
Ọjịra-jịra ọtụka nya Alibeenu nya iJihova nya 2024: ‘Kpa Ẹrụ Ọnyịịla Pyẹ’!
Yẹ ang ịlẹ kahị ka jẹ́ ọọjịra-jịra ọtụka nya ẹka ọlẹ.
Ọ-Chị Kpii nya ỊDịrama o-Bwu ỊBayịbụụ: Ẹrụ Ọnyịịla nya IJisọsị
Angịnyị lụmẹ-lụmẹ jẹ́ oja nya ọmama nya iJisọsị. Ma ịyẹ à tị́ họ ene nya ọmama nyamwụ bala ụka kị mọọ kpá?