Ti kaaduan a linaon daytoy a website ket maluktan ti maysa uray saanen nga ag-register kas user ken saanen a masapul a mangted iti aniaman nga impormasion kadakami. Nupay kasta, adda dagiti feature a mausar laeng dagiti naka-register a user, dagiti user nga agisubmitir kadagiti kiddaw wenno aplikasion, wenno dagiti user a dagiti personal nga impormasionda ket impatulod ti maysa a kongregasion dagiti Saksi ni Jehova babaen ti jw.org. Iprosesomi laeng dagiti personal nga impormasionmo no adda pammalubosmo. Adda dagiti kaso nga uray no bawyem ti pammalubosmo, mabalin nga itultuloymi latta nga usaren dagiti impormasionmo no la ket ta adda legal a pangibasaranmi.

Dagiti personal nga impormasion nga impasam iti website ket mausar laeng iti panggep a naibaga kenka idi impasam dayta. Mabalin a karaman kadagita dagiti sumaganad:

Account. Ti e-mail address nga itedmo no mangaramidka iti account iti daytoy a website ket mausar tapno makontakdaka maipapan iti account-mo. Kas pagarigan, no nalipatam ti username wenno password-mo ket agpatulongka nga ag-log-in, mangipatulodkami iti mensahe iti e-mail address a naikabil iti user profile-mo tapno matulongandaka.

Aplikasion. No kualipikadoka sigun kadagiti patpatien ken pagannurotan dagiti Saksi ni Jehova, mabalinmo nga usaren daytoy a website a mangaramid iti user account ken mangipasa iti aplikasion, wenno mabalin nga usaren ti kongregasionmo daytoy a website a mangipasa iti aplikasionmo. Ipakita ti tunggal aplikasion ti pakausaran dayta, kas iti panangpalawa iti narelihiosuan a panagserbi, wenno panagkiddaw wenno panangyawis iti pagdagusan para iti kombension, asamblea, wenno dadduma pay nga okasion. Ti personal nga impormasion nga adda iti aplikasionmo mabalin a ramanenna dagiti impormasion nga impasam, impasa dagiti panglakayenyo, wenno impasa ti manangaywan iti sirkitoyo. Mausar laeng dagiti naited nga impormasion tapno maiproseso ken maasikaso ti aplikasionmo wenno tapno mairekord dagita, kas no maaramid ti profile-mo a paset ti pannakaiproseso ti aplikasionmo. No kasapulan a maiproseso ti aplikasionmo, dagiti impormasion maipapan kenka iti maysa nga aplikasion ket mabalin a maited iti dadduma a sangay, iti sangalubongan a hedkuarter dagiti Saksi ni Jehova, wenno iti dadduma pay nga organisasion nga us-usaren dagiti Saksi ni Jehova iti nagduduma a pagilian no kasapulan. Iti amin a kasasaad, mausig dagiti aplikasion depende iti kaso ken saan nga automatiko a madesisionan.

Donasion. No agdonarka iti kuarta online, alaenmi ti nagan ken ti pangkontakan kenka. Tapno maawatmi dagiti donasion babaen ti credit card, agus-usarkami kadagiti autorisado a mangiprosproseso iti panagbayad online nga addaan iti world-class a pagannurotan mainaig iti seguridad ken kinapribado dagiti impormasion. Mabalin a makaawatkami iti pinansial nga impormasion kas iti numero ti credit card wenno account number iti banko a kasapulan tapno maiproseso ti donasionmo ken maipatulod dagiti kasapulan nga impormasion kadagiti ahensia a mangiproseso iti dayta. Natalged ti panangiprosesomi iti donasionmo, a sursurotenmi ti Payment Card Industry Data Security Standard (“PCI DSS”). Idulin ti makaawat iti donasion dagiti rekord ti transaksion agingga a kasapulanna wenno sigun iti aniaman nga agaplikar a linteg. Karaman iti dayta dagiti rekord ti petsa ti panagdonar, gatad ti donasion, ken pamay-an ti panagdonar. Ar-aramidenmi dayta tapno masurotmi dagiti pagannurotan iti accounting ken masungbatanmi ti aniaman a saludsodmo bayat dayta a tiempo. Saandaka a kontaken tapno dumawat iti kanayonan a donasion.

Panagkiddaw iti Ad-adu Pay nga Impormasion Wenno iti Panagadal iti Biblia. Mabalinmo met ti agkiddaw iti ad-adu pay nga impormasion wenno libre a panagadal iti Biblia babaen ti website-mi. Dagiti personal nga impormasion nga inkabilmo iti kiddawmo ket usarenmi laeng para iti espesipiko a kiddawmo. No kasapulan, maited dagita iti sabali a sangay wenno dadduma pay nga organisasion nga us-usaren dagiti Saksi ni Jehova tapno mapatgan ti kiddawmo.

Dadduma Pay a Panggep. Mabalin nga ipasam dagiti personal nga impormasionmo (kas iti naganmo, adres a pangipatulodan kadagiti suratmo, ken numero ti teleponom) para iti dadduma pay a panggep malaksid iti panagaramid iti account, panagipasa iti aplikasion, wenno panagdonar. Iti tunggal kaso, mailawlawag kenka ti panggep ti aniaman a panangdawat iti impormasionmo. Saanmi nga usaren dagiti impormasionmo kadagiti panggep a saan a nailawlawag kenka idi intedmo dagita.

Alaen, idulin, ken usarenmi dagitoy a personal nga impormasion para laeng iti panggep nga impasam dagita, ken idulinmi dagita agingga a kasapulan wenno iti dadduma pay a legal a panggep. Kadagitoy a situasion, no agdesisionka a saan nga ited dagiti personal nga impormasion a dawdawatenmi, baka adda dagiti paset ti site a saanmo a maluktan wenno saanmi a mapatgan ti kiddawmo.

Dagiti impormasion a naikabil iti kiddaw wenno aplikasionmo ket ma-access dagiti processor tapno maiprosesoda ti impormasion ken/wenno dagiti technical support specialist a mangas-asikaso iti panagandar ken pannakamantener ti technical system. Saanmi nga it-ited dagiti personal nga impormasionmo iti siasinoman malaksid no (1) kasapulan tapno maipaay ti serbisio a kiniddawmo a nailawlawagmi kenka; (2) mamatikami a masapul a maaramid dayta tapno masurot ti aniaman nga agaplikar a paglintegan wenno pagannurotan; (3) dawaten dagita dagiti mangipatpatungpal iti linteg; wenno no (4) kasapulan tapno madetek ken malapdan ti pannakaloko, problema iti seguridad, wenno teknikal nga isyu. Babaen ti panagusarmo iti daytoy a website, ipalpalubosmo a maited dagiti personal nga impormasionmo kadagiti third party para laeng kadagitoy a panggep. Saanmi a pulos ilako, isukat, wenno iparenta ti aniaman nga impasam a personal nga impormasion.

Agan-andar ti organisasion dagiti Saksi ni Jehova iti intero a lubong babaen ti nagduduma nga ahensia iti tunggal pagilian. Dadduma kadagiti server a mangimanmanehar iti website ket masarakan iti United States of America. Mabalinmi nga iyakar dagiti impormasionmo iti sabali a pagilian, agraman dagiti pagilian a saan a kapada ti kangato ti estandarte ti pannakaprotektar dagiti impormasion iti pagilian nga ayanmo. Bayat nga iggemmi ken ipasami dagiti impormasionmo, sursurotenmi dagiti addang a nadisenio a mangprotektar kadagita. Namnamaenmi nga amin nga organisasion nga us-usaren ken mangsupsuporta iti trabaho dagiti Saksi ni Jehova ket sumurot kadagiti paglinteganmi iti pannakaprotektar dagiti personal nga impormasion ken kadagiti paglintegan ken pagannurotan mainaig iti personal nga impormasion.

Babaen ti pananglukatmo iti daytoy a website ken pannakikomunikarmo kadakami iti elektroniko a pamay-an, umanamongka a maipatulod dagiti impormasionmo iti sabali a pagilian.

Tunggal iprosesomi dagiti personal nga impormasion, ikagumaanmi a siguraduen nga umiso ken kabaruan dagiti personal nga impormasionmo para iti panggep a naala dagita. Depende iti pagilian a paggigianam ken kadagiti agaplikar a paglintegan iti pannakaprotektar dagiti personal nga impormasion, mabalin nga addaanka kadagitoy a sumaganad a kalintegan iti impasam a personal nga impormasion:

• Mabalinmo nga ammuen ti rason a maala ken mausar dagiti personal nga impormasionmo sigun iti agaplikar a linteg iti lugaryo;

• Mabalinmo a kiddawen a makita, mailinteg, mai-delete, wenno mai-block dagiti personal nga impormasionmo no saan a kompleto wenno kamali dagita;

• Mabalinmo ti kumontra iti pannakaiproseso dagiti personal nga impormasionmo ken kiddawem kadakami a saanen nga iproseso dagita no la ket ta adda lehitimo a rason nga aramidem dayta.

No adda dagiti agaplikar a paglintegan iti pannakaprotektar dagiti personal nga impormasion iti pagilian nga ayanmo ket kayatmo a kitaen, ilinteg, wenno i-delete dagiti personal nga impormasionmo, makitam ti contact information iti page a Dagiti Contact iti Pannakaprotektar Dagiti Impormasion.

Apaman a maawatmi ti naisurat a kiddawmo, kalpasan a maitedmo ti umdas nga ebidensia iti kinasiasinom ken dagiti impormasion a mangipalubos kadakami tapno maammuanmi dagiti personal nga impormasionmo, ti mangkonkontrol iti impormasion mabalin a patganna dayta iti patas a pamay-an babaen ti panangbalansena iti pagsayaatan ti indibidual a makakita wenno mangilinteg wenno mang-delete iti impormasion kasta met ti lehitimo a pagsayaatan ti organisasion, agraman ti dakes nga epekto ti desision iti kalintegan ti organisasion mainaig iti wayawaya ti relihion ken aktibidadna. Pakaammuanmi met ti aniaman a third party a makaawat kadagiti kasapulan a panagbalbaliw.

Laglagipem a mabalin a saan a ma-delete dagiti personal nga impormasionmo no kiddawen ti linteg ti pannakaiproseso dagita wenno no ti impormasionmo ket naidulin gapu iti dadduma a legal a pagibasaran. Kas pagarigan, interesado ti narelihiosuan nga organisasion iti permanente a panangmantener kadagiti impormasion maipapan iti kasasaad ti maysa a Saksi ni Jehova. Ti panangi-delete kadagita nga impormasion ket maikontra kadagiti narelihiosuan a patpatien ti organisasion. Ti kiddaw a ma-delete ti personal nga impormasion ket masapul a dumalan iti aniaman nga agaplikar a legal reporting wenno document retention requirements a naibilin kadakami. Mabalinmo met ti agreklamo iti autoridad iti lugaryo a mangprotprotektar kadagiti personal nga impormasion maipapan iti pannakaiproseso dagiti intedmo nga impormasion babaen daytoy a website.