Álíta fræðimenn að Jesús hafi verið til?
Fræðimenn hafa gilda ástæðu til að trúa að Jesús hafi verið til. Alfræðiritið The Encyclopædia Britannica, frá 2002, vitnar í fyrstu og annarrar aldar sagnfræðinga sem skírskotuðu til Jesú og fylgjenda hans. Þar segir: „Þessar ótengdu frásögur sanna að til forna véfengdu andstæðingar kristninnar aldrei að Jesús væri söguleg persóna, það var í fyrsta sinn véfengt á ófullnægjandi forsendum undir lok 18. aldar, á 19. öld og í byrjun 20. aldar.“
Í bókinni Jesus and Archaeology (Jesús og fornleifafræðin), sem kom út 2006, segir: „Nú dregur enginn heiðvirður fræðimaður í efa að gyðingur, sem nefndur var Jesús sonur Jósefs, hafi verið uppi. Flestir viðurkenna fúslega að nú sé heilmikið vitað um verk hans og grundvallarkenningar.“
Jesú er lýst í Biblíunni sem raunverulegri persónu. Forfeður hans eru nafngreindir og nánasta fjölskylda. (Matteus 1:1; 13:55) Þekktir embættismenn sem voru samtíða Jesú eru einnig nafngreindir. (Lúkas 3:1, 2) Þessar upplýsingar gera fræðimönnum kleift að kanna hversu nákvæm frásögn Biblíunnar er.