1. Di Word a wi Gad, it tiich wi fi nuo se

Gad abov—im a lov.

It elp wi fi nuo di ting dem fi du fi

Shuo wi av lov, bradali lov.

Jeuova, im gi im Son we im lov so

Fi paadn wi rangz; wi sin dem im kova.

Nou dat a chuu lov—di grietis lov eva.

Fala im wie, an lov evri die.

2. Wen wi du laik Gad, wi shuo wan aneda

Lov we riil, chuu an riil.

Wi a-go liv gud wid aal a wi breda,

Mek dem kyan fiil wa chuu lov miin.

Ef wi lov wi Gad, wi mos lov wi breda.

So put op wid dem; figiv wan aneda.

Wi lov dem ya nou an lov dem fi eva.

Yes, dat a lov; a so kom wi lov.

3. Di lov we wi shuo an av fi wi breda

Mek wi bi fambili.

Jeuova, wi Gad, invait wi fi fiil so

Api an frii; jos ties an si.

Kom si ou wi lov laik breda an sista.

Kom jain wi an priez Jeuova tugeda.

Im spirit an Word wi gaid wi fi eva.

Mek wi shuo lov. Jeuova a lov.